Skólaselið Keilufelli er rekið samstarfsverkefni Menntasviðs, Velferðarsviðs og Íþrótta- og tómstundasviðs um lausnamiðaða nemendavernd fyrir grunnskólanemendur í Árbæ, Breiðholti, Grafarholti og Norðlingaholti.

Tilgangurinn með Skólaselinu er að finna lausn á vanda nemenda sem skólanum hefur ekki tekist í samráði við for­ráðamenn og þjónustumiðstöð. Einnig er markmið starfsins í Skólaselinu í Keilufelli að aðstoða skólann við að veita þeim nemendum sem eiga í miklum hegðunar- og tilfinningalegum erfiðleikum og forráðamönnum þeirra þverfaglega þjónustu. Miða skal við að hver nemandi sé aldrei lengur en í þrjár vikur í selinu.

Nemendur innritast aldrei í þetta úrræði fyrr en eftir umfjöllun í nemendaverndarráði skólans og að höfðu samráði og með samþykki viðkomandi forráðamanna og viðkomandi þjónustu­miðstöðvar.

Daglegur starfstími Skólaselsins í Keilufelli er að jafnaði frá kl. 08:15–13:30 og því er um ákveðna skerðingu á lögboðnum skólatíma að ræða hjá nemendum. Nemenda- og fjölskyldu­viðtöl geta farið fram í heimaskóla, þjónustumiðstöð og/eða hjá Barnavernd utan starfstíma Skólaselsins. Í Skólaselinu í Keilufelli starfar deildarstjóri, sem stýrir daglegri starfsemi, kennari/ráðgjafi, tómstundaráðgjafi og aðrir þeir sem þörf er á hverju sinni til að sinna einstaklings­bundinni ráðgjöf sem og fjölskyldu- og skólaráðgjöf. Í selinu fer fram lausna­miðað starf, stuðningur við nám, einstaklingsbundin ráðgjöf og fjölbreytt sérfræði­þjónusta þar sem tekið er mið af þörfum hvers og eins. Því kallar starfið meðal annars á öflugt þverfaglegt samstarf kennara, skólastjórnenda, kennsluráðgjafa, félagsráðgjafa, sálfræðinga, tómstunda­ráðgjafa og forráðamanna.

Eftir innritun einstaklings í Skólaselið í Keilufelli boðar deildarstjóri til lausnarfundar eins fljótt og kostur er. Til fundarins er boðað í samvinnu við skólastjóra. Deildarstjóri stýrir lausnarfundum. Nemandi sem stundar nám sitt tímabundið í Skóla­selinu í Keilufelli er þar á ábyrgð heimaskóla. Tómstundaráðgjafi vinnur meðal annars að lífsleikni­verkefnum með nemendum sem styrkja félagsfærni þeirra og stuðlað geta að aukinni þátttöku í heilbrigðu íþrótta- og tómstundastarfi. Leggja skal áherslu á að fara yfir námslega stöðu viðkomandi nemanda og veitir heimaskóli ráðgjöf og upplýsingar vegna þeirrar yfirferðar.

Kynningarbæklingur um Skólaselið Keilufelli

Innritunareyðublað fyrir Skólaselið Keilufelli 

Skóladagatal 2010-2011