Beint ß lei­arkerfi vefsins
Merki ßrbŠjarskˇla

Nemendaverndarrß­

Nemendaverndarráð Árbæjarskóla starfar samkvæmt reglugerð um nemendaverndarráð nr. 584/2010.

Nemendaverndarráð skipa:  Skólastjórnendur, deildarstjórar, námsráðgjafar, skólahjúkrunarfræðingur og sálfræðingur skólans.  Ráðið fundar vikulega á fimmtudögum kl. 08:30.

Hlutverk nemendaverndarráðs er m.a. að samræma skipulag og framkvæmd þjónustu við nemendur varðandi skólaheilsugæslu, sérfræðiþjónustu og náms- og starfsráðgjöf ásamt því að vera skólastjóra til aðstoðar við gerð og framkvæmd áætlana um sérstaka aðstoð við nemendur.  Samstarfið getur verið bæði vegna einstakra nemenda og forvarnarstarfs.

Nemendaverndarráð fjallar um málefni einstakra nemenda og nemendahópa og er ákveðnum aðila í ráðinu gert að fylgja hverju máli eftir.  Um tilkynningar til Barnaverndar eða fræðsluyfirvalda er ávallt fjallað um í Nemendaverndarráði.

Þegar máli er vísað til Nemendaverndarráðs skal það gert á þar til gerðu eyðublaði sem fá má á heimasíðu skólans undir eyðublöð eða á skrifstofu skólans.  Eyðublaðinu skal skilað í lokuðu umslagi.  Starfsfólk skóla, foreldrar, nemendur og fulltrúar sérfræðiþjónustu skólans geta óskað eftir því að mál einstakra nemenda eða nemendahópa verði tekin fyrir í ráðinu.

Ávallt skal upplýsa foreldra um að máli barna þeirra sé formlega vísað til skólastjóra eða Nemendaverndarráðs og leita eftir samstarfi við foreldra um lausn mála eftir því sem framast er kostur.


Slˇ­in ■Ýn:

Sto­■jˇnusta » Nemendaverndarrß­
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?