Yfirumsjón almennrar sérkennslu er í höndum verkefnisstjóra sérkennslu, sem úthlutar kennslu til þeirra sem þess þurfa að mati umsjónarkennara í samráði við foreldra nemenda.

Beiðni um sérstakan stuðning fyrir barn skal berast til umsjónarkennara sem skráir beiðnina í Mentor / dagbók.

Umsjónarkennari fundar með foreldrum þar sem fjallað er um mögulegar úrbætur í bekkjarstarfi, eftirfylgni og mat, samstarf við foreldri og samstarf við aðra faggreinakennara eða fagaðila.

Sérkennslu er sinnt á einstaklingsbundinn hátt eða með kennslu smærri námshópa ýmist með innkomu kennara í bekki eða að nemendur sækja þessa kennslu utan bekkja sinna í námsveri.

Ef sótt er um sérkennslu í námsveri fyrir nemendur í einni eða fleiri námsgreinum skal það gert á sérstöku eyðublaði og er það umsjónakennari sem sækir um í samráði við foreldri viðkomandi barns.

Sérkennslunni sinna ýmist sérkennarar eða almennir kennarar.