Beint ß lei­arkerfi vefsins
Merki ßrbŠjarskˇla

FrÚttir

11.12.2018

Spurningakeppni grunnskˇlanna

Spurningalið Árbæjarskóla keppti í undanriðli spurningakeppni grunnskólanna fimmtudaginn 29. nóvember. Keppnin var haldin hér á sal Árbæjarskóla. Auk Árbæjarskóla mættu spurningalið Varmárskóla og Dalskóla. Fjórar slíkar keppnir voru haldnar á höfuðborgarsvæðinu og komust sigurliðin úr riðlunum fjórum í úrslitariðil.

Lið Árbæjarskóla er skipað þeim Ásgeiri Haraldssyni, Grími Arnari Ámundasyni og Haraldi Helga Agnarssyni. Pressulið skólans er skipað þeim Daníel Smára Hlynssyni, Dýrfinnu Mjöll Njálsdóttur, Eyjólfi Andra Sveinssyni, Felix Jónssyni og Jóhanni Erni Sigurðssyni. Spurningaliðshópurinn æfði stíft fyrir keppnina og var kominn í gott keppnisform þegar á hólminn var komið.

Því miður tapaði liðið okkar með einu stigi gegn spurningaliði Varmárskóla þrátt fyrir að hafa verið yfir í keppninni fram á næst síðustu spurningu en þá náðu Mosfellingar að svara þriggja stiga spurningu sem dugði þar sem Árbæjarskóli var tveim stigum yfir. Spurningarnar í annarri viðureigninni áttu betur við liðið sem vann öruggan sigur gegn Dalskóla. Því miður þurfti liðið að treysta á sigur Dalskóla gegn Varmárskóla til að komast áfram. Sú varð ekki raunin þar sem Dalskóli tapaði eftir spennandi keppni.

Að sögn Hannesar Daða Haraldssonar umsjónarmanns og spurningarhöfundar keppninnar var þetta stigahæsti riðill keppninnar svo það var sárt að missa liðið út í undanriðlinum. Liðið stóð sig þó vel enda hafði það sýnt miklar framfari á æfingum undanfarnar vikur.

20181211_094715


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?