Beint á leiđarkerfi vefsins
Merki árbćjarskóla

Fréttir

25.9.2018

Göngum í skólann

Göngum í skólann

Þetta árið mun Árbæjarskóli taka þátt í verkefninu Göngum í skólann. Þetta er í tólfta sinn sem það er haldið hér á landi en þetta er alþjóðlegt verkefni og á hverju ári taka milljónir barna í yfir 40 löndum víðs vegar um heiminn þátt í Göngum í skólann með einum eða öðrum hætti.

Við ætlum að taka þátt í tvær vikur, hefjum verkefnið miðvikudaginn 26. september og því lýkur miðvikudaginn 10. október, sem er alþjóðlegur Göngum í skólann dagurinn.

Markmið verkefnisins er að hvetja alla, nemendur, foreldra og starfsfólk til að tileinka sér virkan ferðamáta í og úr skóla og auka sérstaklega færni nemenda okkar til að ferðast á öruggan hátt í umferðinni. Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu, hjólreiðar, hlaup eða annað. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.

Hvet ég því foreldra og nemendur skólans til að taka þátt í verkefninu, ganga/hjóla í og úr skólanum. Eiga samverustund á morgnanna með því að ganga/hjóla í skólann ef hægt er. Allar upplýsingar um verkefnið má nálgast á síðunni www.gongumiskolann.is

Starfsfólk og kennarar skólans munu einnig vera virkir í þessu verkefni á einn eða annan hátt. Hvert skólastig vinnur að einhverju ákveðnu hvað varðar hreyfingu/fræðslu og útfæra það á sinn hátt.


Slóđin ţín:

Skólinn » Fréttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?