Beint ß lei­arkerfi vefsins
Merki ßrbŠjarskˇla

FrÚttir

8.3.2018

Vinnumorgun Ý H˙sdřragar­inn

Nemendur í 6. bekk tóku þátt í vinnumorgni í Húsdýragarðinum í dag. Þar fengu þeir tækifæri til að taka þátt í umhirðu dýranna og fá um leið ítarlega fræðslu um dýrin og landbúnaðarstörf. Unnið var í þremur hópum, einn í fjósi, annar í hest- og fjárhúsi og sá þriðji sá um villtu dýrin. Ýmis störf voru í boði en nemendur fylgdust m.a. með mjöltum, þrifu fjósið, kembdu hestum, settu út kindur og geitur, gáfu hreindýrum og þrifu greni minka og refa.

Nemendur fengu líka fræðslukynningu á dýrunum og háttum þeirra og þekkja núna hvaða dýr eru jórturdýr, vita hvers vegna svín velta sér upp úr drullunni þegar þau eru úti og að afkvæmi minka heitir hvolpur en foreldrarnir högni og læða. Hver hópur kynnti síðan verk morgunsins fyrir hinum hópunum. Allir tóku virkan þátt í störfunum og kynningunum og dýrahirðarnir nefndu sérstaklega hvað krakkarnir væru miklir dugnaðarforkar.

Allir komu aftur heim þreyttir, en ánægðir.

Vinnumorgun í Húsdýragarðinum

 


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?