Beint ß lei­arkerfi vefsins
Merki ßrbŠjarskˇla

FrÚttir

5.10.2017

Forvarnardagurinn 2017

Forvarnardagurinn var haldinn miðvikudaginn 4. október. Forvarnardagurinn er haldin að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta. Eitt markmið Forvarnardagsins er að vekja athygli á forvarnargildi þess að börn og ungmenni starfi innan þeirra vébanda. Reykjavíkurborg, Háskóla Íslands og Háskólann í Reykjavík styðja verkefnið ásamt lyfjafyrirtækinu Actavis.

Lífleg umræða í morgunsárið

Borgarstjórinn í Reykjavík ásamt fleiri gestum heimsótti skólann og spjallaði við nemendur 9. bekkjar. Því næst unnu nemendur í 9. bekk verkefni undir handleiðslu kennara sinna. Nemendur ræddu 3 meginspurningar: 1. Mikilvægi samveru með foreldrum 2) íþróttir og æskulýðsstarf 3) Hvert ár skiptir máli.

Samtalið hélt áfram á ganginum

Eftir það var farið með nemendur á sal skólans þar sem námsráðgjafi stjórnaði athöfn. Fyrst flutti Íris Gunnarsdóttir kennari og fótboltakona skemmtilegt erindi. Hún sagði frá því hvernig íþróttaiðkun greiddi leið henni inn í góðan háskóla í Bandaríkjunum. Síðan ræddi Emil Þór Guðmundsson verkfræðingur og fyrrverandi nemandi Árbæjarskóla um mikilvægi þessa að fylgja eftir draumum sínum en hann stofnaði og rekur hjólaverslunina Krían. Námsráðgjafi kynnti svo ratleik á vegum Forvarnardagsins fyrir nemendum. Að lokum horfðu nemendur á myndband sem tengdist Forvarnardeginum. Þetta myndband geta allir horft á, á heimasíðu forvarnardagsins-forvarnardagurinn.is. Dagurinn gekk vel og voru börnin áhugasöm og sjálfum sér til sóma.

 

 


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?