Beint ß lei­arkerfi vefsins
Merki ßrbŠjarskˇla

FrÚttir

26.4.2017

Setningarath÷fn

Setningarathöfn afmælis- og  menningarvikunnar í Á

Setningarathöfn afmælis- og  menningarvikunnar í Árbæjarskóla var haldin sl. mánudag á sal skólans. Þorsteinn Sæberg skólastjóri setti dagana og var afmælis-/ menningarfáninn 2017 dreginn að húni. Hugmyndina að fánanum átti Lóa Björg Finnsdóttir, nemandi í 9. bekk, og fékk hún hugmyndina í veggjalist og hefur verið að vinna að fánanum ásamt öðrum hjálpsömum vinum.

Einnig var afmælis- og menningarlagið frumflutt á setningarathöfninni og fékk það góðar viðtökur. Tómas Gauti Óttarson, nemandi í 9. bekk, samdi lagið og á hann mjög bjarta framtíð í þessum bransa. Einnig söng Kristín Lára Torfadóttir, nemandi í 8. bekk, gullfallega fyrir samnemendur sína og starfsfólk skólans á setningarathöfninni. Þá hélt Eva Margit, formaður nemendafélags skólans, ræðu um það sem koma skyldi í vikunni.

Margt er á dagskrá þessa viku, þar sem vikan er ekki aðeins menningarvika heldur er hún sameinuð 50 ára afmælishátíð skólans. Hér voru haldin Stífluhlaup fyrir alla nemendur 5. - 10. bekkjar. Einnig var hátíðin Kvikmyndakrakkarnir og úrslit Hæfileikasúpunnar haldin á sal skólans.

Kvikmyndakrakkarnir er kvikmyndahátíð yngsta stigsins og var m.a. sýnt þeirra eigin kennaragrín ásamt annarri skemmtilegri dagskrá. Hæfileikasúpan er hæfileikakeppni miðstigs skólans og var þetta í fyrsta skipti sem hún var haldin en 14 glæsileg atriði tóku þátt. Þá fór 4. bekkur skólans einnig í Hörpu í tilefni af setningu Barnamenningarhátíðar Reykjavíkurborgar.

Eins og heyra má er margt um að vera og þetta var aðeins á mánudegi og þriðjudegi. Í raun verður svo mikið af nýjum og spennandi hlutum í gangi þessa vikuna að viðburðir eins og meistarakokkurinn, bakarameistarinn, Þorsteinninn og skákmótið, sem venjan er að halda á menningardögum, hafa verið færðir yfir á vordagana.

Menningardagana sjálfa, þ.e. miðvikudag, fimmtudag og föstudag er hópavinna í öllum árgöngum til undirbúnings. Þá lýkur vikunni á Afmælishátíð skólans en 50 ára afmæli skólans verður fagnað með opnu húsi á laugardaginn þar sem til sýnis verður margskonar efni sem tengist sögu skólans auk afraksturs af vinnu nemenda á skólaárinu og á afmælis-/menningardögum. Sýningar verða vítt og breitt um skólann og má þar nefna skemmtilega dagskrá á sal, kynningarmynd um Árbæjarskóla sem unnin er af nemendum og kennurum og brot af því besta úr kennaragríni liðinna ára. Einnig verða sýningar á borð við “Ég var í Árbæjarskóla” þar sem fyrrverandi nemendur Árbæjarskóla hafa svarað laufléttum spurningum og “Minningar úr Árbæjarskóla” sem eru viðtöl við fyrrverandi kennara við skólann og margt, margt fleira. Myndir


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?