Beint ß lei­arkerfi vefsins
Merki ßrbŠjarskˇla

FrÚttir

12.1.2017

J┴-n˙ar

Broskall

Þann 16. janúar n.k. hefst jákvæðni-, góðverka- og hvatningarmánuðurinn JÁ-núar formlega. Hugmyndin að JÁ-núar kveiknaði meðal nemenda unglingadeildarinnar í fyrra og tók allur skólinn þátt í verkefninu þá. Þar sem vel tókst til var ákveðið að halda í þennan ánægjulega og jákvæða viðburð en hugmyndin með JÁ-núar er sú að veita hvert öðru birtu og yl í svartasta skammdeginu.

Öll stig skólans koma að mánuðinum, hver með sínu sniði. Í unglingadeildinni hefur nemendaráðið haft veg og vanda að skipulagningunni en á yngri stigum eru það kennararnir sem halda utan um verkefnið. Verða tvær vikur sérstaklega skipulagðar í þessum tilgangi, þ.e. vikan 16. – 20. janúar en þá er áherslan á hvatningu og hrós og vikan 23. – 27. janúar þar sem góðverk og góðgerðarmál eru í brennidepli.

Tökum höndum saman og lýsum upp skammdegið og gleðjum hvert annað því það mun án efa skila sér inn í komandi mánuði og hafa jákvæð áhrif bæði í skólanum og í skólasamfélaginu öllu.

 


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?