Beint á leiđarkerfi vefsins
Merki árbćjarskóla

Fréttir

12.10.2016

Forvarnardagurinn 2016

 

Forvarnardagurinn 2016

Forvarnardagurinn var haldinn í ellefta sinn miðvikudaginn 12. október. Dagurinn er haldinn að frumkvæði forseta Íslands og valdi hann til samstarfs þrjú landssamtök æskufólks: Íþrótta- og Ólympíusamband Íslands, Ungmennafélag Íslands og Bandalag íslenskra skáta.

Eitt markmið Forvarnardagsins er að vekja athygli á forvarnargildi þess að börn og ungmenni starfi innan þeirra vébanda.

Í Árbæjarskóla unnu nemendur í 9. bekk verkefni undir handleiðslu kennara sinna. Nemendur ræddu 3 meginspurningar: 1. Mikilvægi samveru með foreldrum 2) íþróttir og æskulýðsstarf  3) Hvert ár skiptir máli.

Eftir það var farið með nemendur á sal skólans þar sem námsráðgjafi stjórnaði athöfn. Fyrst talaði forstöðumaður Félagsmiðstöðvarinnar Tíunnar. Ræddi hann um forvarnargildi félagsmiðstöðva. Þar næst hélt Íris kennari skemmtilegt erindi um það hvernig íþróttaiðkun greiddi leið henni inn í góðan háskóla í Bandaríkjunum. Námsráðgjafi kynnti svo ratleik á vegum Forvarnardagsins fyrir nemendum. Að lokum horfðu nemendur á myndband sem tengdist Forvarnardeginum. Dagurinn gekk vel og voru börnin áhugasöm og sjálfum sér til sóma.


Slóđin ţín:

Skólinn » Fréttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?