Beint ß lei­arkerfi vefsins
Merki ßrbŠjarskˇla

FrÚttir

17.11.2015

┴rbŠjarskˇli lenti Ý ÷­ru sŠti Ý Skrekk 2015

Árbæjarskóli komst í úrslit Skrekks 2015

Árbæjarskóli lenti í öðru sæti í Skrekk 2015 en Skrekkur er hæfileikakeppni grunnskólanna í Reykjavík sem haldin er árlega.  Atriðið í ár bar titilinn „Fjölbreytileikinn litar lífið“ og kom hugmyndin frá nemendum skólans sem höfðu verið valin í svokallaðan Skrekkshóp.

Verkið fjallar um svarthvítan heim þar sem allir eiga að vera eins. Persónuleiki og tilfinningar eru ekki lengur til. Tilfinningar eins og gleði, sorg eða hamingja heyra sögunni til og allir þurfa að fylgja sömu reglum, spila sömu tónlist, dansa sama dansinn, klæðast sömu fötum og þar fram eftir götunum.

En svo gerist það einn daginn að nýr nemandi kemur í skólann sem er öðruvísi en allir hinir og passar hvergi inn.  Smám saman fer hann að kenna hinum hvernig þau eiga að vera þau sjálf. Skilaboð verksins eru þau hve mikilvægt það er að vera maður sjálfur, hvað fjölbreytileiki lífsins er mikilvægur og hvað heimurinn væri svarthvítur án hans. 

Krakkarnir sáu um að útfæra atriðið sjálf með aðstoð frá starfsmönnum skólans en gríðarleg vinna er á bakvið svona atriði og eiga þau hrós skilið fyrir mikinn dugnað. Krakkarnir hafa staðið sig með eindæmum vel og voru virkilega flottir fulltrúar skólans í keppninni.

Það var síðan glatt á hjalla í rútunni á leiðinni heim eftir úrslitin enda allir virkilega sáttir með þennan frábæra árangur.


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?