Beint á leiđarkerfi vefsins
Merki árbćjarskóla

Fréttir

11.6.2015

Comenius sýning í Ársafni


Sýning sem sýnir afrakstur tveggja ára Comenius skólasamstarfsverkefnis sem Árbæjarskóli hefur hefur tekið þátt í, hefur verið sett upp í Ársafni.  

bókasafn comenius

Þátttökuskólarnir voru í níu löndum þ.e. Danmörku, Englandi, Finnlandi, Póllandi, Rúmeníu, Frakklandi, Búlgaríu, Íslandi og á Spáni. Verkefnið hlaut nafnið European Children, 21st Century Learners en meginviðfangsefni þess var lesskilningur og nýting upplýsingatækni í skólastarfi.

Síðan skólasamstarfið hófst haustið 2013 hefur mikið vatn runnið til sjávar. Allir nemendur Árbæjarskóla hafa komið að verkefninu á einn eða annan hátt og var öll vinna þeirra til fyrirmyndar. Nemendur hafa unnið hugtakakort um hin þátttökulöndin, kynnt Ísland fyrir jafnöldrum sínum í hinum löndunum, sagt frá skólastarfinu í Árbæjarskóla, deilt jólahefðum okkar með þeim, kynnt matarmenningu okkar og dýralíf, teiknað myndir um land og þjóð, miðlað alls kyns upplýsingum, jafnt rituðum sem á mæltu máli, raunviðtöl hafa átt sér stað á netinu með hjálp samskiptamiðla, gjafir hafa verið búnar til af nemendum til að færa hinum þátttökuskólunum og svo mætti lengi telja. Kennarar skólans hafa verið duglegir að taka þátt í verkefninu og lagt fram ómælda vinnu í þágu þess og nemendanna.

Árbæjarskóli hefur átt ákaflega gott samstarf með skólunum átta. Kennararnir hafa miðlað og deilt verkefnum og reynslu sinni af kennslu með kennurunum frá hinum löndunum sem án efa mun koma að góðum notum í framtíðinni. Nemendum  finnst mikið til koma að eiga nýja vini í Evrópu og hafa verið einkar duglegir að taka þátt í þessu Comenius verkefni. Samstarf og samvinna sem þessi mun án efa leiða til jákvæðrar þróunar í skólastarfi Árbæjarskóla.


Slóđin ţín:

Skólinn » Fréttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?