Beint á leiđarkerfi vefsins
Merki árbćjarskóla

Fréttir

26.8.2014

Förum varlega í umferđinni

 

Mikilvægt er í  upphafi skólaársins að fara yfir þær umferðarreglur sem gilda fyrir gangandi og hjólandi vegfarendur en þannig aukum við öryggi nemenda í umferðinni. Sérstaklega þarf að huga að yngstu nemendunum þó auðvitað þurfi hin eldri á fræðslu að halda líka. Starfsfólk skólans lætur sig að sjálfsögðu varða öryggi nemendanna í umferðinni en þáttur heimilanna er líka afar mikilvægur og góð vísa er aldrei of oft kveðinn.

Skólanum bárust góðar ábendingar frá verkefnisstjóra í umferðarfræðslu hjá Grundarskóla á Akranesi, sem er móðurskóli í umferðarfræðslu. Þar er hugað að því hvernig skólinn og foreldrar geta frætt nemendur sem best og rætt við þá um málefni sem tengjast öryggi í umferðinni. Í því sambandi má velta fyrir sér eftirfarandi atriðum:

  • Hver er öruggasta leiðin í skólann?
  • Það þarf að huga að aðkeyrslu að skólanum, finna öruggustu leiðina að skólanum og fara yfir hana.
  • Hvetja nemendur til að ganga eða hjóla í skólann
  • Hvetja til notkunar á reiðhjólahjálmum
  • Mikilvægi þess að foreldrar og starfsfólk séu góðar fyrirmyndir

Þá er einnig vert að horfa til eftirfarandi gátlista þegar rætt er um öryggi í umferðinni við nemendur:

•             Leiðin milli heimilis og skóla

•          Leiðin frá heimili til vina

•          Gangstéttir

•          Gangbrautir

•          Gangbrautarljós

•          Umferðarljós

•          Vegir án gangbrauta og gangstétta

•          Öryggi barna í bíl

•          Öryggi í kringum rútur og strætó

•          Hjól – reiðhjól, hlaupahjól, línuskautar

•          Hjálmanotkun – stilla hjálminn rétt

•          Ljós og bjöllur á hjólum

•          Endurskinsmerki

•          Örugg leiksvæði


Slóđin ţín:

Skólinn » Fréttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?