Beint ß lei­arkerfi vefsins
Merki ßrbŠjarskˇla

FrÚttir

5.9.2013

NEMANDAR┴đSKOSNINGAR

Elvar Wang Atlason 10.KJ var kosinn formaður nemendaráðs Árbæjarskóla fyrir skólaárið 2013-2014. Varaformaður var kjörinn Edda Marín Ólafsdóttir einnig í 10.KJ. Hlutu þau bæði góðan stuðning. Einn meðstjórnandi var kosinn úr röðum 9.bekkinga, Guðrún Auður Kristinsdóttir 9.HE.

Gríðarlegur áhugi á nemendaráðinu

Tíu nemendur buðu sig fram til setu í nemendaráðinu að þessu sinni. Frambjóðendum gafst tækifæri á að kynna sig og helstu áherslur á opnum fundi á hátíðarsal skólans þar sem mættir voru nemendur 8.-10.bekkjar. Mikil stemmning var á fundinum og frambjóðendurnir allir mjög frambærilegir enda úr miklu úrvali nemenda að velja í skólanum. Að loknum fundi gengu nemendur til sinnar stofu þar sem leynileg kosning fór fram því næst var talið. Talningin gekk mjög hratt og örugglega fyrir sig og voru úrslitin ljós síðar um daginn.

Meiri áhugi hjá stelpum en strákum

Af tíu frambjóðendum voru níu stelpur en einn strákur. Hverjar sem ástæðurnar voru fyrir dræmri þátttöku strákanna hljótum við að vonast eftir meiri áhuga úr þeirri átt í framtíðinni. Það er jákvætt og gefandi að koma að trúnaðarstörfum fyrir samnemendur sína. Það jákvæða er að bæði strákar og stelpur eiga fulltrúa í nemendaráðinu á þessu skólaári.

Elvari, Eddu og og Auði er óskað til hamingju með kjörið. Flottur hópur mun leiða nemendastarfið á komandi skólaári.

IMG_2622


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?