Beint á leiđarkerfi vefsins
Merki árbćjarskóla

Fréttir

18.3.2013

MEISTARATAKTAR Í SKÓLAHREYSTI

Árbæjarskóli tók þátt í Skólahreysti ásamt skólum úr Grafarvogi, Grafarholti og Breiðholti fimmtudaginn 14.mars og lenti í öðru sæti eftir fráfæra og spennandi keppni. Breiðholtsskóli varð í efsta sæti eftir verðskuldaðan sigur með 45 stig og heldur áfram í úrslitakeppnina.  

            Lið Árbæjarskóla skipuðu þau Aron Ingi 10AH og Hulda Hrund 10MG sem kepptu í hraðabrautinni, Sunneva Sjöfn 9ÁS sem keppti í armbeygjum og Ólafur Engilbert sem tók þátt í upphífingum. Varamenn voru Edda Kristín 9SG og Óðinn 10MG. Umsjón með hópnum hafði Bergþór íþróttakennari.

            Fjölmennt lið stuðningsmenna fylgdi keppnisliðinu eftir og lét vel í heyra á pöllunum.  Hefur sá stuðningur eflaust haft sitt að segja um árangur keppenda. Maður dagsins, að öðrum ólöstuðum, var tvímælalaust  Aron Ingi sem kom, sá og sigraði í hraðbrautinni á tímanum 2.16 mínútum, langt á undan öðrum keppendum.

            Umgjörð keppninnar var öll hin besta og eiga aðstandendur Skólahreysti hrós skilið fyrir fagmennsku. Jónsi söngvari var kynnir og hélt uppi stuði. Sjónvarpið var á staðnum og gerði keppninni góð skil.

            Þátttaka í Skólahreysti er orðin hluti af fjölbreyttu skólalífi Árbæjarskóla og auðvitað stefnum við alltaf að sem bestum árangri. Umfram allt er þó keppnin frábær skemmtun fyrir þátttakendur jafnt sem áhorfendur. Sérstök ástæða er til þess að hrósa liðinu okkar fyrir góða keppni og frábæran árangur sem og þeim fjölmenna hópi nemanda sem sækir iðulega viðburði á vegum Árbæjarskóla og er án undantekninga skólanum til sóma.

 

skólahreysti

Sjá fleiri myndir HÉR.


Slóđin ţín:

Skólinn » Fréttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?