Beint ß lei­arkerfi vefsins
Merki ßrbŠjarskˇla

FrÚttir

3.12.2012

UmhverfisvŠnn skˇli

Undanfarin ár hefur verið unnið markvisst í umhverfismálum skólans í tengslum við umsókn um grænfánann sem er umhverfisverkefni stýrt af Landvernd. Til þess að ná markmiðum grænfánans hefur skólinn tekið svokölluð ,,græn skref“ og var eitt slíkt tekið nú með nýju flokkunarkerfi á sorpi sem tók gildi 1. desember.

Samkvæmt því eiga nemendur og starfsfólk skólans að flokka sorp til endurvinnslu og að auki eiga nemendur á yngsta stigi og miðstigi að taka með sér sorp sem tengist nesti með sér heim.

 

Frá 1. desember 2012 verða græn skref skólans eftirfarandi:

-          Í öllum kennslustofum og á skrifstofum skólans verður eingöngu um söfnun á pappír að ræða.  Engar ruslafötur verða í kennslustofum og á skrifstofum.  Nemendur þurfa því frá 1. desember 2012 að hafa með sér heim aftur það sorp sem þeir bera með sér í skólann í tengslum við morgunnesti.

-          Almennt sorp verður eingöngu í list- og verkgreinastofum, í mötuneyti skólans,á salernum og í miðrými nemenda.

-          Á miðrými skólans verður um flokkun á sorpi að ræða þar sem flokkað verður í eftirfarandi fimm flokka:  lífrænt, pappi, plast, málmar og almennt sorp.

-          Á kaffistofu starfsmanna verður flokkað í fjóra flokka:  Lífrænt, pappi, plast og málmar.

-          Í mötuneyti, matsal og í heimilisfræðikennslustofu verður lífræn flokkun.

-          Horft verði sem mest til notkunar á umhverfisvænum efnum við ræstingu og almenn þrif.

-          Áfram verður haldið á þeirri braut að allir starfsmenn skólans verði meðvitaðir um leiðir til sparnaðar á rafmagni og tileinki sér þær leiðir í skólastarfinu.

-          Unnið verður áfram að því að gæta aðhalds við notkun á heitu vatni og markvisst horft til þátta er leitt gætu til bættrar nýtingar.

 

Til þess að skólinn okkar verði eins umhverfisvænn og frekast er kostur þarf að koma til sameiginlegt átak í skólasamfélaginu öllu.  Foreldrar, nemendur og starfsmenn þurfa allir að leggjast á eitt til að ná sem bestum árangri svo Árbæjarskóli öðlist þá stöðu að vera umhverfisvænn skóli sem geti flaggað Grænfánanum.


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?