Beint ß lei­arkerfi vefsins
Merki ßrbŠjarskˇla

FrÚttir

6.12.2011

1. desember

Nemendur og starfsmenn unglingadeildar komu saman á sal skólans í tilefni af fullveldisdeginum 1. desember. Afhent voru verðlaun í smásagnasamkeppni skólans og verðlaunasögurnar lesnar upp. Margar frábærar sögur bárust í örsögukeppnina þetta árið og var úr vöndu að ráða. Hlutskörpust varð Urður Egilsdóttir 8. KJ með söguna Það rignir. Þórhildur Vala, 10. MS, varð í öðru sæti með söguna Stoppistöð en í þriðja sæti voru þau Sigurveig Ankita Sólmundsdóttir 8. SG með Litalausa blómið og Þorvaldur Tryggvason 8. IA með Stuld. Sjá sögur hér.

 

Íslenskuverðlaun Skóla- og frístundaráðs Reykjavíkur voru afhent. Að þessu sinni var það Björn Áki Jósteinsson, 10. MS sem hlaut þau verðlaun fyrir ágætan námsárangur í íslensku.

 

Veitt voru verðlaun í Ljósmyndasamkeppni Árbæjarskóla og voru sigurvegararnir þær Theodóra 10. MS (Andlitsmynd), Hólmfríður 10. AA (Andstæður og Náttúra), Nína 10. AA (Frjálst), Elísabet Seselía 8. IA (Hreyfing) og Birgitta Rut 9. ÁB (Andstæður aukaverðlaun). 

 

Haldin var samkeppni um hönnun jólakorta meðal 10. bekkinga í þeim tilgangi að gefa út og selja kortin til ágóða fyrir útskriftarferð 10. bekkjar. Sigurvegararnir voru Emma Lind 10. AA, Una Birna 10. MS, Lilja Björk 10. GP og Gígja 10. MS. 

 

Að auki buðu nemendur unglingadeildar upp á tónlistar- og dansatriði sem voru með eindæmum glæsileg.

 


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?