Beint ß lei­arkerfi vefsins
Merki ßrbŠjarskˇla

FrÚttir

21.3.2011

Upplestrarkeppni Ý ┴rbŠjarskˇla

Fimmtudaginn 10. mars fór fram hin árlega upplestrarkeppni í Árbæjarskóla þar sem valdir voru tveir fulltrúar skólans til að taka þátt í lokakeppni Stóru upplestrarkeppninnar í Árbæ og Grafarholti sem fram fer í Árbæjarkirkju þann 24. mars nk. Þátttakendur voru sex að þessu sinni. Guðjón Orri, Hugrún Birna og Hörður komu frá 7. AH og Elvar, Eva Dröfn og Gunnhildur Ólöf voru frá 7. SS.

 

Nemendur fluttu  textabrot úr sögunni Undraflugvélin eftir Ármann Kr. Einarsson, ljóð eftir Þorstein frá Hamri og ljóð sem þeir völdu sér sjálfir. Stóðu nemendur sig allir með stakri prýði og var mikil spenna í salnum þegar úrslitin voru kynnt. Elvar og Eva Dröfn báru sigur úr bítum og verða fulltrúar skólans í lokakeppninni. Óskum við þeim til hamingju um leið og við óskum þeim góðs gengis í keppninni sem framundan er.

 

Dómnefndina að þessu sinni skipuðu Friðrik Magnússon, íslenskufræðingur og  fulltrúi foreldra, Björn Áki Jósteinsson, fulltrúi nemenda, Jóhanna Lára Eyjólfsdóttir, fagstjóri í íslensku, og Guðný Ýr Jónsdóttir, íslenskufræðingur og fyrrverandi fagstjóri í íslensku, en þær stöllur voru fulltrúar skólans.

 

═ tilefni dagsins söng yngri kór skólans nokkur lög og Ebba Björg Ísberg lék á píanó. Var gerður góður rómur að þeirra flutningi.

 

Gaman verður að fylgjast með hvernig okkar nemendum vegnar í lokakeppninni.


Slˇ­in ■Ýn:

Skˇlinn » FrÚttir
Mynd

Vissir þú...


Að meðal blýantur getur dregið línu sem er rúmir 56 kílómetrar að lengd áður en blýið klárast?