Árbæjarskóli er einn stærsti grunnskóli landsins, staðsettur í einstöku umhverfi Elliðaárdalsins. Skólinn á sér rúmlega 40 ára starfssögu. Á árunum 1956 - 1966 var Árbæjarskóli starfræktur í samkomuhúsi á Árbæjarblettinum þar sem kennt var í þremur deildum en haustið 1967 hóf skólinn göngu sín í nýju húsi með 421 nemanda. 

Í dag er Árbæjarskóli grunnskóli fyrir nemendur í 1.-10. bekk.  Hann er einsetinn og eru nemendur hans um 700 talsins. Skólinn er safnskóli á unglingastigi en þá koma til náms nemendur úr Árbæjarskóla, Ártúnsskóla og Selásskóla. Starfsmenn skólans eru 80 sem sinna mismunandi stöfum í þágu nemenda.  Með stjórnun skólans fara auk skólastjóra, tveir aðstoðarskólastjórar, tveir verkefnastjórar, nemendaráð og skólaráð.  Sjá meðfylgjandi skipurit hér.

Skólinn er opinn á skrifstofutíma frá kl: 7:45 til 16:00 dag hvern. 

Sími skólans er 411 7700 og netfang skólans er arbaejarskoli@reykjavik.is . Faxnúmer skólans er 411 7713.

Einkunnarorð Árbæjarskóla eru: Ánægja-Áhugi-Ábyrgð-Árangur