Við Árbæjarskóla starfar nemendafélag. Nemendafélagið vinnur m.a. að félags-, hagsmuna- og velferðarmálum nemenda. Nafn félagsins er Nemendafélag Árbæjarskóla og starfar það  samkvæmt lögum um grunnskóla. Allir nemendur Árbæjarskóla teljast félagar í nemendafélagi Árbæjarskóla. Valdir eru annarsvegar bekkjarfulltrúar úr 5. – 7. bekk og hinsvegar bekkjarfulltrúar úr 8. – 10. bekk sem eru fulltrúar sinna árganga í nemendafélaginu.

Í aðalstjórn nemendafélagsins eiga sæti þrír fulltrúar bekkja í 8. – 10. bekk unglingadeildar Árbæjarskóla. Formaður og varaformaður skulu kosnir úr 10.bekk og einn meðstjórnandi úr 9.bekk. Aðalstjórn skiptir með sér verkum, öðrum en þeim sem kosin eru beinni kosningu, á fyrsta fundi nýrrar stjórnar. Aðalstjórn situr skólaráðsfundi. Aðalstjórn hefur ákvörðunar- og framkvæmdavald í öllum almennum málum Nemendafélags Árbæjarskóla.

Skólastjóri ræður umsjónarmann félagsstarfs og nemendafélags úr hópi kennara. Þessir einstaklingar sjá til þess að fundað sé reglulega og hafa yfirumsjón með skipulagi félagslífs Árbæjarskóla.

Stjórn nemendafélags Árbæjarskóla skólaárið 2011 - 2012

Skipulag nemendaráðs og félagsstarfs