Með próftækni er átt við þær aðferðir sem nemandinn notar við prófundirbúning og í próftökunni. Góður og markviss undirbúningur fyrir próf skiptir miklu máli. Mestu skiptir þó að nemandinn læri jafnt og þétt yfir veturinn. Mikilvægt er að gera sér grein fyrir því að prófundirbúningur hefst í upphafi hverrar annar og að prófundirbúningurinn á einungis að vera upprifjun.
Gott skipulag og góður undirbúningur dregur úr prófkvíða. Ef nemandi þjáist af miklum prófkvíða er mikilvægt að hann leiti sér aðstoðar. Hægt er að fá ráðgjöf hjá námsráðgjafa.

Prófundirbúningur byggist á að:

• Skoða vel námsáætlanir.
• Taka til allar bækur, próf og  verkefni sem þarf að nota við upprifjunina.
• Gera lestraráætlun.
• Nota minnisaðferðir og draga saman námsefnið í færri atriði.

Í prófinu þarf að:

• Fara vandlega yfir spurningar á prófinu og svör
• Velta fyrir sér hvort verið sé að svara því sem spurt er um. 

Góður undirbúningur og jákvætt hugarfar eru besta veganestið í prófið

Námsráðgjafar aðstoða nemendur við skipulagningu og prófundirbúning ef þess er óskað. Tímapantanir fara fram hjá námsráðgjöfum.