Stærðfræði

Lokamarkmið

Að geta lesið og skrifað tölur, töluleg gögn og stærðfræðilegan texta, geta tengt saman stærðfræðileg hugtök og myndrænt efni ásamt því að geta tjáð sig skilmerkilega um stærðfræðileg efni og skipst á skoðunum um þau við aðra.
Að gera sér grein fyrir að hægt er að takast á við verkefni þar sem lausnaraðferðir eru ekki ljósar, hafa kynnst skipulegum aðferðum við leit lausnar og hafa færni við að takast á við verkefni og þrautir.
Að gera sér grein fyrir mikilvægi röksemdafærslna í stærðfræði og orðanotkunar í einfaldri rökfræði og átta sig á notkun reiknirita til að leysa verkefni.
Að gera sér grein fyrir hvernig beita má stærðfræði í daglegu lífi og hvaða aðferðir henti best hverju sinni, skilja hvernig stærðfræði er undirstaða mælinga í tíma og rúmi og gera sér nokkra grein fyrir sögu stærðfræðinnar.
Að kunna skil á náttúrulegum, heilum og ræðum tölum, hafa kynnst rauntölum og hugtökum talnafræði og geta nýtt þau ásamt því að hafa góða þekkingu á tugakerfinu.
Að hafa náð góðri færni í reikningi og kunna að nota reiknivélar, geta beitt hugarreikningi og námundunarareikningi og hafa tamið sér að leggja mat á útreikninga ásamt því að geta valið reikninaðgerðir og mismunandi aðferðir við að reikna.
Að kunna skil á hlutföllum milli stærða og geta nýtt sér það við útreiknilnga á hagnýtum dæmum og kunna einnnig skil á prósentuhugtakinu og prósentureikningi.
Að geta notað mynstur til að draga fram almenna reglu, átta sig á notkun bókstafa í reikningi, kunna að fara með táknasamstæður og gera sér grein fyrir undirstöðureglum algebru.
Að kunna skil á algengum hugtökum og undirstöðusetningum rúmfræði, kunna skil á aðferðum við mælingu flatar- og rúmmynda, þekkja undirstöðuhugtök hnitarúmfræði og geta notað þau, kannast við nokkrar tegundir af rúmfræðilegum færslum og kunna að notfæra sér þær.
Að þekkja algengar aðferðir til að setja fram töluleg gögn og kunna skil á líkindahugtakinu.
Að hafa það viðhorf til stærðfræðinnar að vilja leggja við hana rækt þannig að hún verði uppspretta ánægju og vinnugleði.

Áfangamarkmið 1. – 4. bekkur

Nemandinn á:

Að geta lesið og skrifað tölur, einföld töluleg gögn og stærðfræðilegan texta og geta gert sig skiljanlega og tekið þátt í umræðum um stærðfræðileg efni.
Að geta beitt skipulegum aðferðum við lausnir verkefna og þrauta, hafa glímt við stærðfræðileg verkefni og þrautir af ýmsu tagi, ásamt því að hafa kynnst mikilvægi röksemdarfærslna í stærðfræði og geta beitt einföldum röksemdarfærslum og geta áttað sig á fullyrðingum, lýsingum og fyrirmælum.
Að gera sér grein fyrir því hvernig hægt er að nota stærðfræði í daglegu lífi og hafa lært undirstöðuatriði varðandi mælingar í tíma og rúmi.
Að kunna skil á náttúrulegum tölum, hafa kynnst ræðum tölum í einföldu samhengi og þekkja lítillega heiltölur, hafa kynnst einföldustu hugtökum talnafræðinnar og hafa skilning á framsetningu talna í tugakerfi.
o Að hafa náð góðum skilningi og færni í einföldum reikningi með náttúrulegar tölur og tugabrot og hafa kynnst aðferðum við hugarreikning og námundun.
Að hafa kynnst hlutföllum milli stærða og geta notað þau við lausnir einfaldra hagnýtra verkefna og hafa kynnst prósentuhugtakinu þe. 1%, 50% og 100%.
Að hafa unnið með mynstur í því skyni að segja til um framhaldið og finna reglu og átta sig á einfaldri notkun ýmissa staðgengla fyrir tölur í stærðfræði.
Að kunna skil á algengum hugtökum sígildrar rúmfræði og aðferðum varðandi mælingu flatarmynda og þvívíðra hluta. Einnig að kunna aðferðir til að lýsa staðsetningu og stefnu og hafa kynnst rúmfræðilegum færslum.
Að kunna ýmsar aðferðir til að flokka og setja fram töluleg gögn og hafa kynnst líkindahugtakinu.

Stærðfræðileg úrlausnarefni og stærðfræðileg framsetning verða hvarvetna á vegi fólks í daglegu lífi og því er grundvallarþekking og skilningur á stærðfræði öllum nauðsynlegur.

Kennsluaðferðir
Einstaklings- og hópverkefni unnin undir handleiðslu kennara. Innlagnir og dæmavinna.

Tengsl
Íslenska: Lestur sem tengist þrautalausnum og orðadæmum, ritun í tengslum við stærðfræðisögur og bókmenntir en í mörgum barnabókum kemur stærðfræði talsvert við sögu.
Náttúruvísindi: Rúmfræði, mælingar, myndrit ofl. tengja greinarnar saman
Samfélagfræði: Töflur, myndrit ásamt landakortum sem þarf að lesa af.
Heimilisfræði og íþróttir: Tími og mælingar
Tónlist og dans: Tengjast stærðfræðinni enda eru þau af stærðfræðilegum toga.

Námsmat
Haustönn: Miðsvetrarpróf 50%, kennaraeinkunn 50%. Vorönn: Vorpróf 50%, kennaraeinkunn 50%. Lokaeinkunn: Haustönn 50%, vorönn 50%.

Áfangamarkmið 5.-7. bekkur

Nemandinn á:

Að geta lesið og skrifað tölur og skilið töluleg gögn og stærðfræðilegan texta.
Að geta tekið þátt í umræðum um stærðfræðileg efni og gert grein fyrir niðurstöðum sínum á skiljanlegan hátt.
Að hafai öðlast færni til að takast á við ýmis verkefni og þrautir og geta beitt skipulegum aðferðum við lausnir þeirra.
Að gera sér grein fyrir mikilvægi röksemdafærslna í stærðfræði og geta beitt einföldum röksemdafærslum.
Að gera sér grein fyrir hversu mjög stærðfræðin tengist daglegu lífi; hvað varðar fjármál og hvers kyns mælingar.
Að kunna góð skil á náttúrulegum tölum, geta lagt saman, dregið frá, margfaldað og deilt með slíkum tölum og valið hentugar reikniaðgerðir til að leysa verkefni.
Að kannast við hlutföll og prósentur.
Að átta sig á einfaldri notkun bókstafa í stærðfræði.
Að kunna skil á algengustu hugtökum sígildrar rúmfræði.

Kennsluaðferðir
Einstaklings- og hópverkefni unnin undir handleiðslu kennara. Innlagnir og dæmavinna. Leitast er við að koma til móts við þarfir allra.

Tengsl
Stærðfræðin tengist mörgum greinum. Kennslan fer fram á íslensku og íslensk orð eru notuð yfir stærðfræðileg hugtök. Tengsl stærðfræði og eðlisfræði eru augljós. Lestur af landakorti, töflur, súlurit o.fl. sem finna má í landafræði og líffræði og ártöl í Sögu tengjast stærðfræði. Sama gildir um mælingar í heimilisfræði og íþróttum. Tónlist og stærðfræði tilheyrðu fjórveginum í klassískri miðaldamenntun enda er tónlist stærðfræðileg í eðli sínu.

Námsmat
Haustönn: Miðsvetrarpróf 50%, kennaraeinkunn 50%.
Vorönn: Vorpróf 50%, kennaraeinkunn 50%.
Lokaeinkunn: Haustönn 50%, vorönn 50%.

Áfangamarkmið 8.-10. bekk

Stærðfræði og tungumál

Að geta lesið og skrifað tölur, tölulegar upplýsingar og stærðfræðilegan texta.
Að geta tjáð sig skilmerkilega og tekið þátt í umræðum um stærðfræðileg efni.

Lausnir verkefna og þrauta

Að hafa lært skipulegar aðferðir við lausnir þrauta og geta beitt slíkum aðferðum við lausn verkefna á öðrum sviðum en stærðfræði.
Að hafa öðlast færni til að takast á við stærðfræðileg verkefni og þrautir

Röksamhengi og röksemdafærslur

Að gera sér grein fyrir mikilvægi röksemdafærslna í stærðfræði.
Að geta beitt einföldum röksemdafærslum.
Að geta sett saman og skilið rökyrðingar í eðlilegu samhengi og áttað sig á notkun reiknirita.

Tengsl við dasglegt líf og önnur svið

Að gera sér grein fyrir því hvernig beita má stærðfræðilegum aðferðum í daglegu lífi, hvaða aðferðir úr stærðfræði henta best hverju sinni og vera vanur að nota stærðfræði á öðrum sviðum.
Að skilja hvernig stærðfræði er undirstaða mælinga í tíma og rúmi.
Að gera sér einhverja grein fyrir sögu stærðfræðinnar.

Tölur

Að kunna góð skil á náttúrulegum, heilum og ræðum tölum.
Að hafa kynnst nokkrum hugtökum úr talnafræði og kunna að umgangast þau.
Að hafa góða þekkingu á sætistalnaritun, einkum á tugakerfinu, og reikningi með tölum í tugakerfi.
Að hafa kynnst rauntalnakerfinu.

Reikniaðgferðir, reiknikunnátta og mat

Að hafa góða færni í reikningi
Að vera leikinn í hugarreikningi og námundunarreikningi.
Að vera fær um að velja reikniaðgerðir og mismunandi aðferðir til að reikna.

Hlutföll og prósentur

Að kunna skil á hlutföllum milli stærða og geta notað þau við útreikninga á hagnýtum dæmum.
Að hafa gott vald á prósentu hugtakinu og vera fær í prósentureikningui.

Mynstur og algebra

Að hafa unnið með mynstur í því skyni að segja fyrir um framhaldið og finna almenna reglu.
Að átta sig á einfaldri notkun bókstafa í stærðfræði.
Að gera sér grein fyrir undirstöðureglum algebru.
Að kunna að fara með táknasamstæður sem eru samsettar úr tölum og/eða bókstöfum með venjulegum reikniaðgerðum.

Rúmfræði

Að kunna skil á helstu hugtökum sígildrar rúmfræði.
Að kunna skil á algengum hugtökum og aðferðum við mælingu flatarmynda og þrívíðra hluta.
Að þekkja undirstöðuhugtök hnitarúmfræði og geta notað þau.
Að kannast við nokkrar tegundir af rúmfræðilegum færslum og kunna að notfæra sér þær.
Að kunna helstu undirstöðu setningar sígildrar rúmfræði og geta notað þær í útreikningum og röksemdafærslum.

Tölfræði og líkindafræði

Að kunna skil á algengustu aðferðum við að vinna úr tölulegum gögnum og setja niðurstöður fram.
Að kunna skil á líkindahugtakinu.

Kennsluaðferðir
Hópkennsla, innlagnir og dæmavinna. Í hægferð er meira lagt upp úr einstaklingskennslu.

Tengsl
Stærðfræði tengist mörgum greinum. Náttúrufræði í gegnum töflur, mælingar og kort.
Eðlisfræði með notkun formúla, mælinga og grafa. Tölvur með notkun stærðfræðiforriti, reiknilíkana og vefir. Samfélagsfræði með því að nota gröf, landakort, úrvinnslu tölulegra upplýsinga t.d. fólksfjölgun.

Námsmat
Haustönn: Próf 50%, kennaraeinkunn 50%.
Vorönn: Próf 50%, kennaraeinkunn 50%.
Lokaeinkunn: Haustönn 50%, vorönn 50%.