9. bekkur - Árbæjarskóli

Danska

9. bekkur

2011 - 2012

Markmið:

Tímamagn: 4 tímar á viku

Hlustun:

Nemandinn:

skilji almenn fyrirmæli og leiðbeiningar í tali kennara, nemenda og í þar til gerðu hlustunarefni.
skilji aðalatriði í töluðu máli þegar fjallað er um málefni úr daglegu lífi og í tengslum við viðfangsefni sem unnið hefur verið með.

Lestur:

Nemandinn

geti lesið og skilið fyrirhafnarlítið texta á frekar léttu máli; fyrirmæli, leiðbeiningar, stuttar greinar, blaðagreinar og léttar smásögur.
geti skilið stutta texta þar sem nauðsynlegt er að allt innihald skiljist nákvæmlega
Lesi að minnsta kosti eina léttlestrarbók, alls 80 - 100 blaðsíður.

Talað mál:

Nemandinn:

geti sagt frá eða endursagt texta eða frásagnir með aðstoð minnispunkta og hjálparorða í nýju samhengi.
geti brugðist við beiðnum eða spurningum með útskýringum eða lýsingum og geti notað einfaldan orðaforða til að tjá skoðanir sínar og tilfinningar.
geti beðið viðmælanda um að endurtaka það sem sagt var og beðið um útskýringar á því sem sagt var.

Ritun:

Nemandinn:

geti skrifað stutta texta (60 -100 orð) út frá lykilorðum, skráð endursagnir og skrifað hálfbundnar ritunaræfingar út frá orðaforða sem hefur verið unnið með.

Málfræði:

Nemandinn:

þekki ákveðinn greini nafnorða og lýsingarorða, kennimyndir sagna, stigbreytingu lýsingarorða, fleirtölu nafnorða, tímahugtök, beygingarform nafnorða og lýsingarorða, þjóðaheiti.

Námsþættir:

Lestur, hlustun, ritun, þýðingar, endursögn, samtöl, málfræði,stílar, orðaforði í tengslum við landafræði, menningu og staðhætti Danmerkur

Kennsluaðferðir:

Bein kennsla, sjálfstæð vinna, utanbókarnám, einstaklingsvinna, hópvinna, samræður, námsleikir, tónlist, hlustun, hlutverkaleikir, ritun vinnubókarkennsla, tölvu og upplýsingatækni, yfirferð námsefnis, upprifjun, efniskönnun, viðtöl. Heimavinna sem er annað hvort undirbúningur eða eftirvinna námsefnis.

Kennslugögn:

Dejlige Danmark, Tænk les og vinnubók B, Glimrende valdir kaflar og Superdansk valdir kaflar.

Det er Danmark, myndbandsefni á dönsku.

Hvad siger du, Hlustunarbók B og C

Verkefni af neti.

Námsmat:

Haustönn: Símat, sem skiptist þannig: Hlustun: 20%, tal 10% (fortælletid), stöðupróf 30%, þar af 1 parapróf, ástundun í tíma 10%, heimavinna 10%, bókmenntir og ritun 10% og myndbandsverkefni 10%

Vorönn: Prófeinkunn 40%, annareinkunn 60%.

Annareinkunn skiptist þannig: Stöðupróf 20%, bókmenntir og ritun 10%, hlustun 10%, munnlegt lokaverkefni 10% og ástundun 10%.

Íslenska

9.bekkur

Grunnupplýsingar

Kenndar eru 6 kennslustundir á viku sem skiptast í málfræði, bókmenntir, stafsetningu, ritun og málnotkun.

Námsmarkmið

Að þjálfast í að afla heimilda til að vera fær um að velja og hafna og draga ályktanir af þeim.
Að þjálfast í að lesa á gagnrýninn hátt margvíslega texta til að mynda sér skoðun á þeim og geta gert grein fyrir henni.
Að lesa margvíslega texta til að auka orðaforða sinn, efla lesskilning og málskilning og geti gert grein fyrir þeirri tilfinningu sem textinn hefur á hann.
Að þekkja helstu hugtök í umfjöllun um skáldskap til að geta nýtt sér þau til aukins skilnings.
Að kynnast ljóðum frá mismunandi tímum, þekkja helstu ljóðahugtök, leita eftir boðskap ljóða og þar með að öðlast meiri ánægju af lestri þeirra .
Að geta gert grein fyrir skoðunum sínum, eigin reynslu og upplifun á skipulegan hátt og af öryggi til að geta tekið þátt í samræðum í misstórum hópum um fjölbreytt málefni.
Að tileinka sér skýran og áheyrilegan framburð til að geta flutt ýmiss konar efni á viðeigandi hátt.
Að ná valdi á helstu stafsetningarreglum, reglum um greinarmerkjasetningu, geti skipt texta í setningar, málsgreinar og efnisgreinar.
Að geta notað þar til gerðar handbækur sér til upplýsingar og til að skrifa læsilegan texta.
Að þjálfast í að skrifa eigin texta og tileinka sér viðeigandi stíl, uppsetningu, byggingu og frágang til að efnið komist vel til skila.
Að þjálfast í öflun heimilda og vinna úr þeim.
Að nota málshætti og orðtök og þekkja muninn á þessu tvennu til að nýta sér við rökstuðning og ritun.

Nemandinn læri sérstaklega:

Persónu , tölu og tíðir sagna, ópersónulegar sagnir, sjálfstæðar og ósjálfstæðar sagnir, áhrifs- og áhrifslausar sagnir, andlag og sagnfylling, aðalsagnir, hjálparsagnir, samsettar sagnir, myndir sagna, hættir sagna, kennimyndir og afleiddar myndir sagna.

Nemandinn þjálfist í:

Að finna kyn, tölu og fall fallorða (nafnorð, lýsingarorð, fornöfn, töluorð og greini).
Smáorðaflokkunum (forsetningar, atviksorð, samtengingar, upphrópanir og nafnháttarmerki).
Að finna stofn orða til að nýta sér það við stafsetningu og orðmyndun.
Að þekkja í sundur veika og sterka beygingu fallorða.
Að þekkja kenniföllin og hvaða hlutverki þau gegna.

Námsþættir

Námsþættir í íslensku skiptast í : Málfræði, bókmenntir, stafsetningu, ritun, lestur, framsögn, tjáning og hlustun.

Kennsluaðferðir

Bein kennsla; innlagnir á málfræði-, bókmennta- og ljóðahugtökum, utanbókarlærdómur, munnleg tjáning, námsleikir/spil, umræðuhópar, hópverkefni, heimildavinna, samvinnunám, orð af orði og ritun.

Námsgögn

Korku saga eftir Vilborgu Dagbjartsdóttur, Laxdæla, smásögur, kjörbók, Sagnorð eftir Magnús Jón Árnason, Kennslubók í stafsetningu eftir Árna Þórðarson og Gunnar Guðmundsson, Orðhákur I eftir Magnús Jón Árnason, ljósritað efni frá kennurum, geisladiskar með sögum, efni af Neti, ljóðum og tónlist, glærur, hljóðbækur, námsspil, handbækur.

Námsmat

Haustönn - nemendaeinkunn gildir 100%

Vorönn - nemendaeinkunn gildir 60%, vorpróf gilda 40%.

Enska

9. Bekkur.

2011-2012

Grunnupplýsingar

Kennslustundir eru 4 á viku.

Námsmarkmið

Að nemandinn

- geti talað um málefni í samræmi við námsefni, s.s. um tónlist, lífshætti, menningu og listir hinna ýmsu kynslóða.
- skilji samtöl og nákvæm fyrirmæli, s.s. um ferðalög.
- þjálfist í að hlusta markvisst til að auka orðaforða sinn.
- geti skilið efni þar sem myndefni og hlustun tengist, s.s. á myndböndum.

- geti skilið megininntak úr völdu efni, s.s. úr enskum dagblöðum, unglingatímaritum og vefsíðum til að geta fylgst með hvað er að gerast annars staðar í heiminum.
- þjálfist í að leita að ákveðnum upplýsingum í texta t.d. við úrvinnslu heimilda.
- geti lesið hæfilega þungt bókmenntaefni sér til gagns, bæði nútímabókmenntir og sögulega texta.
- geti nýtt sér orðabækur til að skilja einstök orð og orðasambönd.

- þjálfist í að ná tökum á framburði svo hann geta gert sig skiljanlegan.
- Þjálfist í að gera munnlega grein fyrir efni sem hann hefur lesið um, séð eða heyrt.

- þjálfist í að skrifa skipulega samfellda texta tengda viðfangsefni og auka þannig orðaforða sinn enn frekar sér til gagns, s.s. úrdrætti úr sögum, bréf og mannlýsingar.
- þjálfist í stafsetningu til að fá aukið sjálfstraust við ritun með og án hjálpar orðabókar.

Námsþættir

Í enskukennslu skiptast námsþættir í eftirfarandi: Hlustun, lestur, talað mál, ritun og málfræði.

Kennsluaðferðir

Bein kennsla; innlagnir á málfræði, utanbókarlærdómur á ýmsum málfræðiatriðum, munnleg tjáning, hópverkefni, hlustunaræfingar, sjálfstæð vinnubrögð, samvinnunám og ritun.

Námsgögn

Matrix Pre-Intermediate les- og vinnubók, léttlestrarefni, Move On lesbók og vinnuhefti,Go for it lesbók og vinnuhefti, ljósritað efni frá kennurum og orðabækur.

Námsmat

Haustönn: Stöðukönnun 15 %, sagnakannanir 1 og 2 samtals 15%, Move on 10 %, ritun 15 %, hlustun 10% Þemaverkefni 20 %, Heimanám og frágangur 10% og ástundun 5 %

Vorönn: Vorpróf 40% og nemandaeinkunn 60% sem skiptist í eftirfarandi:
Stöðupróf 10%, ritunarverkefni 10%, Go for it 10%, munnlegt verkefni 10% , hópverkefni 10 % og ástundun 10%.Náttúrufræði 1

9. bekkur

Eðlisvísindi - lífvísindi

Grunnupplýsingar
Náttúrufræði 1 er valgrein í 9. bekk og eru kenndar 4 kennslustundir á viku.
Í eðlisvísindum eru kenndar 2 kennslustundir og í lífvísindum 2 kennslustundir.
Hópurinn er blandaður.

Námsmarkmið

Jarðvísindi

Að gera sér grein fyrir stöðu sólkerfisins í vetrarbrautinni og þekkja sólkerfi okkar til að öðlast skilning á alheiminum.
Að þekkja reikistjörnurnar eftir sporbaug, svo sem nöfn, einkenni, staðsetningu og helstu fylgitungl til að auðga þekkinguna.
Að þekkja loftsteina, halastjörnur og stjörnuhröp til frekari glöggvunar.
Að skilja hvernig og hvers vegna tungl- og sólmyrkvar eigi sér stað til að útiloka fordóma.
Að geta útskýrt eðli flóðs og fjöru á jörðinni út frá þyngdarkraftinum, til að skilja sjávarföllin.
Að geta útskýrt árstíðaskipti út frá stöðu jarðar á leið sinni um sólu m.t.t. halla jarðmönduls til að skilja að veðurfar er breytilegt.
Að skynja hvernig alheimurinn varð til samkvæmt kenningunni um stórahvell og þekkja aðrar kenningar, til að skila sögulegt samhengi um myndun alheimsins.
Að gera sér grein fyrir fjarlægðum í geimnum og þekkja viðeigandi mælieiningar, til að tengja þekkinguna við notagildi slíkra mælinga.
Að þekkja hraða ljóssins til að skynja hversu lengi það er að berast frá sólu til nærliggjandi stjarna.

Eðlisvísindi

Að geta skilgreint varma, hita og varmaflutning.
Að bera saman hreyfiorku og stöðuorku til að öðlast skilning á varðveislu orkunnar.
Að tengja hugtökin varmaorku og hita við hreyfingu sameindanna, til að útskýra hvernig orkuflutningur á sér stað þegar efni er hitað eða það kólnar.
Að geta valið og notað viðeigandi mælieiningar um orku, varma og hita og átti sig á hitastigi sem fylgir mismunandi fyrirbærum.
Að geti útskýrt rafstraum, rafspennu og viðnám, mælt rafstraum og rafspennu og nota réttar mælieiningar til að sýna fram á gagnsemi.
Að kanna samband milli straums og spennu í línuriti, reikna út viðnám með lögmáli Ohms og nota við það réttar mælieiningar, til að leggja grunn að frekara námi.
Að gera sér grein fyrir hvernig hægt er að fá rafmagn úr segulmagni og tengja þá hugsun við raforkuframleiðsluna á Íslandi.
Að geta útskýrt uppbyggingu rafals og rafmótors.
Að vinna með sveiflustærð, lögun, bylgjulengd og tíðni bylgju og noti viðeigandi mælieiningar.
Að geta lýst rafsegulrófinu, til að skynja eitt af grundvallaratriðum umheimsins.
Að geta lýst rafsegulbylgjum og þekki tvíeðli eðli ljóss með ögnum og bylgju til kynnast ljósinu
Að þekkja helstu einkenni ljóss s.s. speglun, ljósbrot og litróf.
Að þekkja helstu eindir sem finnast í kjarna frumeindar, lýsa aðdráttarkröftum sem halda róteindum og nifteindum saman í kjarna frumeindar og vega upp fráhrindandi rafkrafta milli róteinda.
Að geta skilgreint borið saman einkenni helstu orkumynda og þekki helstu gerðir virkjana, til þess að öðlast færni og skilning.
Að geta skilgreint helstu einkenni hreyfiorku, stöðuorku, rafsegulorku, varmaorku og efnaorku, til að rifja upp og öðlast betri heildarsýn.
Að gera tilraunir sem tengjast efninu.

Lífvísindi

Að læra um mannslíkamann og hið flókna samspil sem er á milli frumna, vefja, líffæra og líffærakerfa.
Að kynnast vel frumunni, grunneiningu líkamans og starfsemi hennar.
Að læra um ýmsa sjúkdóma sem maðurinn getur fengið og ábyrgð einstaklinga á eigin heilsu.
Að læra um meltingar- og öndunarfæri og sambandið milli meltingar og öndunar.
Að læra um hjarta og blóðrás og starfsemi þeirra.
Að kynnast hreinsistöðvum líkamans og mikilvægi þeirra.
Að læra um húðina og hreyfikerfi líkamans ásamt mikilvægi hreyfingar á heilsu manna.
Að læra um heila, taugakerfi og skilningarvit og hvernig stjórnun þeirra fer fram.
Að læra um kynþroskaskeiðið, fjölgun manna, kynhneigð, kynlíf, getnaðarvarnir og kynsjúkdóma til að skilja betur þroskun mannsins og lífsferil hans.
Að læra um vímuefni og skaðsemi þeirra á líkamann.

Námsþættir

Jarðvísindi:
Sólkerfi jarðar; einkenni og mikilvægi aukinnar þekkingar. Reikistjörnurnar; nöfn staðsetning, fylgitungl eðli og einkenni. Samspil jarðar, tungls og sólar. Vetrarbrautir og svarthol. Staða sólkerfis jarðar í vetrarbrautinni. Munur á lífsskilyrðum á reikistjörnum og á jörðu. Kenningar um upphaf og þróun alheimsins. Loftsteinar, halastjörnur og stjörnuhröp. Fjarlægðir í geimnum, mælieiningar um stærðir í alheiminum. Ferðatími ljóss. Kenningar um þróun sólarinnar. Fæðing, þróun og endalok stjarna.

Eðlisvísindi:
Sameindir, varmaflutningur, hreyfiorka, hiti, hitamælar,tvímálmur, kaloría, júl, eðlisvarmi, varmi, stöðuorka, lögmálið um varðveislu orkunnar, einangrun. Aðdráttar- og fráhrindikraftar, frumeind, öreindir, rafsvið, stöðurafmagn, rafsjá, einangari, leiðari, rafhrif, eldingar, rafstraumur, rafspenna, viðnám, afl, lögmál Ohms, rafhlaða, rafskaut, riðstraumur og jafnstraumur, rað- og hliðtengdar straumrásir, straumrofi, var (öryggi), segulmagn, seglar, segulsvið, Norðurljós, rafhreyfill, rafall. Langsbylgjur, hljóðberi, hljóðhraði, sveifluvídd, öldudalur, öldutoppur, bylgjulengd, tíðni, tónhæð, úthljóð, dopplerhrif, ratsjá, hljóðstyrkur, eigintíðni, tónkvísl, hljómkassi, tónblær, grunntónn, yfirtónn, samliðun.
Ljóseind, rafsegulbylgja, þverbylgja, rafsegulrófið, ljósröfun, lýsandi hlutur, upplýstur hlutur, glóðarljós, flúrljós, ljómefni, neonljós, gagnsæi, hálfgagnsæi, ógagnsæi, speglun, ljósbrot, prisma, safnlinsa, dreifilinsa, sjáaldur, lithimna, sjóna, nærsýni og fjarsýni.

Lífvísindi:

Frumur; frumulíffæri, frumuöndun. Einfruma og fjölfruma, vefir, líffæri, líffærakerfi, stofnfrumur, krabbamein. Meltingarfæri; melting, sjúkdómar. Öndunarfæri; sjúkdómar. Hjarta og blóðrás; blóð, ónæmiskerfið, bólusetningar, sjúkdómar. Úrgangslosun; nýru, lifur. Húð og hreyfikerfi; beinagrind, vöðvar, húð, sjúkdómar. Heili og taugakerfi; skilningarvit, skynjun, hormón. Kynlíf, kynþroskaskeiðið, kynþroski, lífsferill mannsins; meðganga, fósturþroski, elliár. Tóbak, áfengi, eiturlyf, sniff, fíkn, fráhvarfseinkenni.

Kennsluaðferðir
Samvinna raungreinakennara, fyrirlestrar, bein kennsla, gátlistar, utanbókarlærdómur, rökstuðningur, viðfangsefni, umræðuhópar, hópverkefni, sjálfstæð vinnubrögð, verklega vinna, heimildavinna, vinna með ólíka miðla mögulega margmiðlun og tölvur.
Nemendur eru ábyrgir fyrir sínu námi og þurfa að koma vel undirbúnir til kennslunnar hverju sinni.

Námsgögn
Kennslubækurnar Orkan, Sól tungl og stjörnur og Mannslíkaminn, skyggnur, myndbönd, reiknivélar, tölvur, uppflettirit, ýmis hjálpargögn svo sem áhöld og tæki sem notuð eru í verklegum tilraunum.

Námsmat
Námsmat verður þannig uppbyggt að nemendur taka eitt próf í náttúrufræði 1, en í tveimur hlutum.
Vægi einkunna; Annarpróf 40% og nemandaeinkunn 60%.
Nánari útlistun má sjá í kennsluáætlunum.

Íþróttir

1.-10. bekkur

Grunnupplýsingar

1.-7. bekk er kennt í íþróttahúsinu í Árbæjarskóla. 8.-10. bekk er kennt í íþróttahúsi Fylkis (Fylkishöllinni).

Námsmarkmið

1.-4. bekkur

Að ná valdi á helstu grunnhreyfingum líkamans með æfingum sem bæta líkamshreysti, þol og samhæfingu. Að taka þátt í fjölbreyttum leikjum sem efla sjálfstraust, viljastyrk og áræði. Að fara eftir settum reglum, taka tillit til annarra og upplifa skólaíþróttir á jákvæðan hátt.

5.-7. bekkur

Að taka þátt í æfingum og leikjum sem bæta líkamshreysti, þrek og liðleika. Að þjálfast í samhæfingu einfaldra hreyfinga og geta tengt þær saman í eina heild. Að taka þátt í fjölbreyttum leikjum og æfingum sem veita útrás fyrir hreyfiþörf og tengingu við aðra þroskaþætti. Að ná valdi á undirstöðuatriðum ólíkra íþróttagreina. Að taka stöðluð próf til að meta eigið þrek og líkamshreysti.

8.-10. bekkur

Að bæta þol, styrk og liðleika sinn með æfingum og leikjum sem höfða til nemenda út frá þeirra eigin getu og áhuga. Aukið þol styrkir hjarta og æðakerfið sem leiðir til betri heilsu á seinni árum. Að finna sér leið til iðkunar íþrótta eða líkams- og heilsuræktar með fjölbreyttu námsvali. Að tileinka sér heilbrigðan lífstíl og mikilvægi skipulagðar þjálfunar á líkamann. Að taka þátt í óhefðbundinni eða sérhæfðri íþróttagrein og þroska með sér góða siðferðiskennd í íþróttum.

Námsþættir

Unnið er markviss að því að nemendur kynnist og þjálfist í grunnfærni hreyfingar. Kynnist íþróttagreinum á jákvæðan hátt.

Kennsluaðferðir
Kennsla fer fram í íþróttasal og miðast hún við að ná til allra nemenda með einum eða öðrum hætti, þar sem beitt er markvissum æfingum og leikjum.

Námsgögn

1.-7. bekkur Íþróttahús Árbæjarskóla

8.-10. bekkur Íþróttahús Fylkis (Fylkishöll)

Námsmat

Námsmatið fer fram með símati yfir önnina. Verkefnabók gildir 100%.

Náttúrufræði 2

9. bekkur

Jarðvísindi
Grunnupplýsingar
Náttúrufræði 2 er valgrein í 9. bekk og eru kenndar 2 kennslustundir á viku.
Hópurinn er blandaður.

Námsmarkmið

Jarðvísindi

Að gera sér grein fyrir stöðu sólkerfisins í vetrarbrautinni og þekkja sólkerfi okkar til að öðlast skilning á alheiminum.
Að þekkja reikistjörnurnar eftir sporbaug, svo sem nöfn, einkenni, staðsetningu og helstu fylgitungl til að auðga þekkinguna.

Lífvísindi

Að læra um mannslíkamann og hið flókna samspil sem er á milli frumna, vefja, líffæra og líffærakerfa.
Að kynnast vel frumunni, grunneiningu líkamans og starfsemi hennar.
Að læra um ýmsa sjúkdóma sem maðurinn getur fengið og ábyrgð einstaklinga á eigin heilsu.
Að læra um meltingar- og öndunarfæri og sambandið milli meltingar og öndunar.
Að læra um hjarta og blóðrás og starfsemi þeirra.
Að kynnast hreinsistöðvum líkamans og mikilvægi þeirra.
Að læra um húðina og hreyfikerfi líkamans ásamt mikilvægi hreyfingar á heilsu manna.
Að læra um heila, taugakerfi og skilningarvit og hvernig stjórnun þeirra fer fram.
Að læra um kynþroskaskeiðið, fjölgun manna, kynhneigð, kynlíf, getnaðarvarnir og kynsjúkdóma til að skilja betur þroskun mannsins og lífsferil hans.
Að læra um vímuefni og skaðsemi þeirra á líkamann.

Námsþættir

Jarðvísindi:
Sólkerfi jarðar; einkenni og mikilvægi aukinnar þekkingar. Reikistjörnurnar; nöfn staðsetning, fylgitungl eðli og einkenni. Samspil jarðar, tungls og sólar.

Lífvísindi:

Námsgögn
Kennslubækurnar Sól tungl og stjörnur og Mannslíkaminn, skyggnur, myndbönd, reiknivélar, tölvur, uppflettirit, ýmis hjálpargögn svo sem áhöld og tæki sem notuð eru í verklegum tilraunum.

Námsmat

Vægi einkunna; Annarpróf 40% og nemandaeinkunn 60%.
Nánari útlistun má sjá í kennsluáætlunum.

Samfélagsfræði S1

9. bekkur

Tímamagn: 4 kennslustundir á viku.

Kennsluaðferðir

Þátttökufyrirlestrar, umræður, samvinnu- og hópverkefni, einstaklingsverkefni, fyrirlestar, kortaverkefni

HAUST 2011

Landafræði

Námsmarkmið

að nemendur þjálfist í skipulögðum vinnubrögðum sem snúa að söfnun upplýsinga, úrvinnslu þeirra og framsetningu í formi fyrirlestra og verkefna.
að nemendur öðlist færni í samskiptum með þátttöku sinni í skipulögðum umræðum innan kennslustunda.
að nemendur öðlist færni í mynda sér sjálfstæðar skoðanir og færa rök fyrir þeim.
öðlist færni í mynda sér sjálfstæðar skoðanir og færa rök fyrir þeim.
geri sér betur grein fyrir eigin menningu og gildismati í með námi um önnur menningarsvæði.
kynnist helstu atvinnuvegum jarðarbúa til þess að átta sig á hvernig náttúran sníðir atvinnulífinu stakk og setur því skorður.
efli þekkingu sína á lífsviðhorfum annarra menningarsamfélaga til að auka virðingu fyrir framandi menningu.
átti sig á sögulegu samhengi í þeirri veröld sem við lifum í til þess að skilja samhengi atburða, orsakir þeirra og afleiðingar.
þjálfist í skipulagningu og flutningi fyrirlestra.
öðlist þekkingu á ólíkum svæðum jarðar.

Námsþættir

Svæðalandafræði, auðlindir, menning, hagtölur og landfræðileg, jarðfræðileg, veðurfarsleg og líffræðileg einkenni landa og svæða. Einkenni iðnríkja og þróunarlanda.

Námsgögn

Landafræði handa unglingum 2, glærur, verkefnablöð, kortabækur og Netið.

Námsmat
Fyrir jól: Nemandaeinkunn 100% Eftir jól: Lokapróf 40%. Nemandaeinkunn 60%

VOR 2012

Saga

Námsmarkmið

að kynnast helstu hugmyndastefnum sem mótað hafa stjórnmálalífið á Íslandi.
að læra um gang heimsstyrjaldanna tveggja á 20. Öldinni.
kynnast mismunandi hlutskiptum þjóða og minnihlutahópa á styrjaldarárunum.
að kynnast helstu hugmyndastefnum sem mótuðu alræðisríki Evrópu framan af 20.öldinni.
kynnast andófi og andspyrnuhreyfingum í hernumdum löndum.
að fjalla um hernámið á Íslandi og áhrif þess á íslenskt samfélag.
að nemendur kynnist sögu dægurmenningar og daglegs lífs á 20. öldinni.
að nemendur öðlist skilning á orsökum, áhrifum og endalokum Kalda stríðsins
að kynnast helstu þjóðmálum á 20.öldinni sem samstaða eða deilur hafa vakið.
að öðlast víðtæka þekkingu á umhverfi í tíma og rúmi, og þjálfast í að greina atburðarás, orsaka og afleiðinga.
að gera sér grein fyrir eigin gildismati og annarra, viðurkenna ólík sjónarmið og rétt hvers manns til að hafa sjálfstæða skoðun.
að þjálfast í að spyrja hnitmiðaðra spurninga, afla sér upplýsinga úr margvíslegum heimildum og greina aðalatriði frá aukaatriðum og skoðanir frá staðreyndum.
að geta rökrætt og haldið fram eigin skoðunum.

Námsþættir
Stjórnmálasaga

Stjórnmálasaga Íslands á 20. öld, aðdragandi heimastjórnar þróun til sjálfstæðis, áhrif fyrri heimsstyrjaldar á Íslandi, millistríðsárin og kreppan, upphaf og gangur seinni heimsstyrjaldar og áhrif hernámsins á Íslandi, útbreiðsla stríðsins og lok, lýðveldisstofnun og eftirstríðsárin. Helstu hugmyndastefnur í Evrópu á styrjaldarárunum. Kalda stríðið og áhrif þess fyrir Ísland.

Hag- og félagssaga

Breytingar á atvinnuháttum Íslendinga m.t.t. sjávarútvegs, landbúnaðar, iðnaðar og þjónustu. Útfærsla landhelgi og fiskveiðilögsögu Íslendinga. Þróun mannfjölda og þéttbýlismyndun í tengslum við breytingar á atvinnuháttum. Þróun almennrar menntunar, skólaskyldu og framhaldsmenntunar. Tilkoma ungmennafélaga og breytingar á tómstundaiðkun landsmanna. Kvenréttindi og þróun jafnréttisbaráttu.

Námsgögn

Úr sveit í borg - þættir úr sögu 20. aldar, Stríðsárin á Íslandi, myndbönd, glósur og samantektir, glærur, verkefnablöð, dreifirit og Netið.

Námsmat
Fyrir jól: Nemandaeinkunn 100% Eftir jól: Lokapróf 40%. Nemandaeinkunn 60%

Samfélagsfræði S2

9. bekkur

Tímamagn: 2 kennslustundir á viku.

Kennsluaðferðir

Þátttökufyrirlestrar, umræður, samvinnu- og hópverkefni, einstaklingsverkefni, fyrirlestar, kortaverkefni

HAUST 2011

Landafræði

Námsmarkmið

að nemendur þjálfist í skipulögðum vinnubrögðum sem snúa að söfnun upplýsinga, úrvinnslu þeirra og framsetningu í formi fyrirlestra og verkefna.
að nemendur öðlist færni í samskiptum með þátttöku sinni í skipulögðum umræðum innan kennslustunda.
að nemendur öðlist færni í mynda sér sjálfstæðar skoðanir og færa rök fyrir þeim.
öðlist færni í mynda sér sjálfstæðar skoðanir og færa rök fyrir þeim.
geri sér betur grein fyrir eigin menningu og gildismati í með námi um önnur menningarsvæði.
kynnist helstu atvinnuvegum jarðarbúa til þess að átta sig á hvernig náttúran sníðir atvinnulífinu stakk og setur því skorður.
efli þekkingu sína á lífsviðhorfum annarra menningarsamfélaga til að auka virðingu fyrir framandi menningu.
átti sig á sögulegu samhengi í þeirri veröld sem við lifum í til þess að skilja samhengi atburða, orsakir þeirra og afleiðingar.
þjálfist í skipulagningu og flutningi fyrirlestra.
öðlist þekkingu á mismunandi svæðum jarðar.

Námsþættir

Svæðalandafræði, auðlindir, menning, hagtölur og landfræðileg, jarðfræðileg, veðurfarsleg og líffræðileg einkenni landa og svæða. Einkenni iðnríkja og þróunarlanda.

Námsgögn

Landafræði handa unglingum 2, glærur, verkefnablöð, kortabækur og Netið.

Námsmat:

Fyrir jól: Nemandaeinkunn 100% Eftir jól: Lokapróf 40%. Nemandaeinkunn 60%

VOR 2012

Saga

Námsmarkmið

að kynnast helstu hugmyndastefnum sem mótað hafa stjórnmálalíf heimsins
að nemendur læri um gang heimstyrjaldarinnar fyrri og heimsstyrjaldarinnar síðari
kynnast mismunandi hlutskiptum þjóða og minnihlutahópa á styrjaldarárunum
að kynnast helstu hugmyndastefnum sem mótuðu alræðisríki Evrópu framan af 20.öldinni.
öðlast skilning á orsökum, áhrifum og endalokum Kalda stríðsins
að fjalla um hernámið á Íslandi og áhrif þess á íslenskt samfélag.
að öðlast víðtæka þekkingu á umhverfi í tíma og rúmi, og þjálfast í að greina atburðarás, orsaka og afleiðinga.
að gera sér grein fyrir eigin gildismati og annarra, viðurkenna ólík sjónarmið og rétt hvers manns til að hafa sjálfstæða skoðun.
að þjálfast í að spyrja hnitmiðaðra spurninga, afla sér upplýsinga úr margvíslegum heimildum og greina aðalatriði frá aukaatriðum og skoðanir frá staðreyndum.
Að geta rökrætt og haldið fram eigin skoðunum.

Námsþættir

Heimsstyrjöldin fyrri, millistríðsárin og kreppan, uppgangur fasisma og nasisma, upphaf og gangur seinni heimsstyrjaldar. Ofsóknir og andspyrna. Áhrif hernámsins á Íslandi, útbreiðsla stríðsins og endalok, lýðveldisstofnun á Íslandi. Helstu hugmyndastefnur í Evrópu á styrjaldarárunum, helstu breytingar í íslensku atvinnulífi og samfélagi á styrjaldarárunum. Kalda stríðið og áhrif þess

Námsgögn.

Stríðsárin á Íslandi, myndbönd, glósur og samantektir,verkefnablöð, dreifirit, glærur og Netið.

Námsmat:

Fyrir jól: Nemandaeinkunn 100% Eftir jól: Lokapróf 40%. Nemandaeinkunn 60%

Stærðfræði

9. bekkur

Grunnupplýsingar

Kenndar eru 5 kennslustundir á viku.

Námsmarkmið

Að styrkja almennan talnaskilning hjá nemendum með upprifjun frá fyrri árum.
Talnamengi. Að skilja hugtökin, jákvæðar, neikvæðar, ræðar og óræðar tölur.
Að kunna sniðmengi, sammengi og tómamengi
Að skilja og geta notað hugtökin hluti, prósenta og heild í prósentureikningi.
Að þjálfast í einföldum veldareikningi.
Að skilja og reikna á staðalformi.
Að þjálfa áfram almenn brot og tugabrot, átta sig á samlagningar- og margföldunarandhverfum og hlutleysum.

Að þekkja hugtökin óendanlegt og endanlegt tugabrot og kunna að breyta tugabroti í almennt brot og öfugt.
Að nemendur geti reiknað ummál og flatarmál hrings og kunni að nota formúlur.
Að læra meira um rými. Vinna með ummál, flatarmál og rúmmál hinna ýmsu forma.

Að þjálfa einfaldar stæður, leysa jöfnur og teikna jöfnu beinnar línu.
Að setja fram með grafi í hnitakerfi einfaldar 1. og 2. stigs jöfnur með 2 breytum.
Að gera sér grein fyrir hvort útkoma sé líkleg með því að nota slumpreikning.
Að skilja og læra notkun, dreifireglu, tengireglu og víxlreglu.
Að fást við hlutföll og kynna hugtakið einslögun.
Að fjalla um tölfræði sem er ríkjandi þáttur á tækniöld.
Að nemendur þekki mælieiningar tímans og nái góðu valdi á metrakerfinu.

Að þjálfa notkun vasareikna.
Að sýna útreikninga og öll vinna sé vel skipulögð og snyrtileg.
Að glíma við verkefni og þrautir og geta rökstutt niðurstöður og skýrt lausnaleiðir.
Að geta sótt og nýtt sér upplýsingar og verkefni af netinu.

Námsþættir

Talnareikningur; Jákvæðar og neikvæðar tölur. Talnalínan. Samlagning, frádráttur, margföldun og deiling. Talnamengi, heilar tölur, ræðar og óræðar, talnarunur, frumþáttun, námundun og rökfræði.

Prósentur: Að vinna með prósentujöfnuna á þrjá vegu, þ.e. finna hluta, heild eða prósentu þegar tvær stærðir eru þekktar. Breytiþáttur.

Veldi: Margfeldi sömu þátta. Tugveldi og staðalform. Ferningstala. Deiling og margföldun sömu stofna.

Rými: Helstu hugtök. Notkun formúlna. Útreikningar á ummáli, flatarmáli og rúmmáli hinna ýmsu forma hrings. Notkun fastans pí.

Hlutföll: Hvað er átt við með einslögun? Reiknað með einslaga myndum.

Algebra: Röð aðgerða. Jöfnur og stæður. Einföldun liðastærða og margfelda. Breyta orðadæmum í stæður. Taka þátt út fyrir sviga. Jöfnulausnir. Víxlregla, tengiregla og dreifiregla.

Tölfræði og líkindi: Tíðni, hlutfallsleg tíðni, tíðnitafla, súlurit, stuðlarit og stöplarit. Flokkun, meðaltal, miðgildi, tíðasta gildi.

Hnitakerfi: Lesa hnit og merkja inn punkta. Gildistöflur og gröf. Fall, bein lína, fleygbogi, samsíða línur, skurðpunktar og hallatala.

Hringir og hyrningar: Flatarmál, ummál, hornastærðir og hornasummur ýmissa hyrninga. Þvermál, geisli, bogi og hringgeiri.

Taka þátt út fyrir sviga. Jöfnulausnir, uppsettar og óuppsettar. Gröf, hallartala og skurpunktar.

Tími: Mælieiningar tímatalsins og metrakerfisins.

Þrautalausnir, þátttaka í Best stærðfræðikeppninni.

Kennsluaðferðir

Innlagnir, þrautalausnir, námsleikir og spil, hópvinna, rökþrautir og margmiðlun.

Námsgögn

Kennslubækur, 8-tíu 3 og 4, verkefni frá kennara, stærðfræðiforrit, verkefni af veraldarvef, dagblöð, vasareiknir, hringfari, gráðubogi og reglustika.

Námsmat

Einkunn skiptist þannig: Lokapróf - 40%, könnun I - 10 %, könnun II - 10 %, skyndikannanir – 10 %, hópverkefni - 10%, skil á dæmaskammti - 8%, vinnusemi í tímum - 7 %, sjálfsmat – 5 %.

Sund

1.-10. bekkur

Grunnupplýsingar

Kennt er í sundlaug Árbæjarskóla eina kennslustund á viku. Stúlkur fyrir áramót og drengir eftir áramót.

Námsmarkmið

1.- 4. bekkur

Að nemendur nái tökum á undirbúningsæfingum og leikjum í vatni. Öðlist grunnfærni í bringusundi, skólabaksundi og skriðsundi.

5.-7. bekkur

Að nemendur hafi náð tökum á ýmsum samsettum hreyfingum í vatni, til þess að þjálfa samhæfingu og þol eftirfarandi sundaðferða: Bringusund, skólabaksund, skriðsund, baksund, kafsund og björgunarsund.

8.-10. bekkur

Að nemendur hafi fengið frekari þjálfun í þeim sundaðferðum sem kenndar eru á miðstigi, til þess að ná góðu valdi á samsettum hreyfingum. Þjálfist í þolsundi til þess að styrkja hjarta og æðakerfi. Tileinki sér ákveðnar sundaðferðir sem auka færni til þess að geta bjargað úr vatni.

Námsþættir

Bringusund, skólabaksund, skriðsund, baksund, kafsund og björgunarsund.

Kennsluaðferðir
Bein kennsla, tilsögn og sýnikennsla, sem miðast að því, að ná sem best til allra nemenda í hópnum.

Námsgögn

Sundlaug Árbæjarskóla. Notuð eru ýmis hjálpartæki s.s. kútur, korkur, sundblöðkur.

Námsmat
Við lok haust- eða vorannar, eiga nemendur að hafa náð tilskildu sundstigi.

1.-2. bekkur. Einkunn er gefin í bókstöfum og fá nemendur afhent sundskírteini í lok annar.

3.-10. bekkur. Einkunn er gefin í tölustöfum og fá nemendur í 3.-4. bekk afhent sundskírteini í lok annar. Í 3.-10. bekk er gefin ein lokaeinkunn fyrir hinar ýmsu sundaðferðir. Námsmatið fer fram með símati yfir önnina. Verkefnabók gildir 100%.