1. bekkur - Árbæjarskóli

Dans

1.bekkur

Grunnupplýsingar

Kendar eru 2 kennslustundir á viku.

Námsmarkmið

Að taka þátt í hreyfileikjum.
- Að kunna skil á hægri og vinstri fæti, hæl og tá fram og aftur.
- Að hlusta á tónlist með mismunandi tónfalli.
- Að dansa létta barnadansa og einföld spor í samkvæmisdansi.
- Að bjóða upp í dans.
- Að tileinka sér almenna kurteisi í samskiptum.

Námsþættir

Chasse (polkaspor), Skósmiðadans, Fingrapolki, Byggingardans, Samba,Waltz, Cha Cha, Diskó, Klappdans, Hóky-póky, Marsera, Stafadansinn,Hundadansinn, Línudans, Einstaklingsdans, Tvistdans, Pósturinn Páll, ýmsir hreyfileikir.

Kennsluaðferðir

Bein kennsla, hópvinna, samvinna tveggja (pör), leikir, frjáls tjáning.

Námsgögn

Geislaspilari, geisladiskar og myndbönd.

Námsmat

Nemendaeinkun. Beitt er símati þar sem tekið er mið af áhuga,virkni og vinnubrögðum,einkunn er gefin í bókstöfum sem kemur fram á vitnisburðarblaði nemanda að vori.

Enska

1. bekkur

Grunnupplýsingar

Kenndur er einn kennslutími á viku.

Námsmarkmið

Leitast er við að vekja áhuga nemenda á tungumálinu, mikilvægt að gleði og ánægja ríki í tímum. Nemendur geti tjáð sig í stuttum svörum og að lagður sé jákvæður grunnur að frekara tungumálanámi.

Námsþættir

Nemendur - læri að heilsa, bjóða góðann daginn og kynna sig

- læri tölustafina frá 1 upp í 10

- læri heiti helstu lita

- læri heiti helstu dýrategunda

- læri helstu heiti fjölskyldumeðlime

- læri helstu veðurheiti og heiti árstíða

- læri nokkur heiti líkamshlutanna

- læri ný orð og setningar

- venjist hlustun tungumálsin

- læri lög og texta

- leiki með spil og stafa- og orðabingó

Kennsluaðferðir

Unnið er mikið munnlega með nemendum með hlustun, söng, myndum, leikjum og spilum.Nemendur fá stafa- og orðablöð og læra þannig ný orð.

Námsgögn

Notuð eru leifturspjöld við innlögn stafa og orða, síðan eyðufyllingarblöð sem er námsefni útgefið af Námsgagnastofnun. Eins er unnið með diska og spil með söngvum og leikjum. Áhorf af mynddiskum.Nemendur safna verkefnum í lausblaðamöppu sem þau fara með heim í lok annar.

Námsmat Nemendur fá umsögn í lok annar

Hönnun og smíði

1. bekkur

Grunnupplýsingar

Kennt er í 12 vikna lotum þar sem nemendur fá 2x2 stundir á viku.

Námsmarkmið

-Að þekkja og geta beitt einföldum handverkfærum.

-Að þekkja og virða settar reglur í smíðastofunni.

-Að geta gengið frá verkfærum eftir sig og sópað í kringum vinnuaðstöðu sína.

Námsþættir

Nemendur kynnist smíðastofunni og tileinki sér þær reglur sem þar gilda. Þeir læra að beita einföldum verkfærum og vinna með auðunnin efni. Þeir hanni eins og unnt er verkefni sín sjálfir og geti lýst munnlega notagildi og virkni hlutar sem þeir vinna að.

Kennsluaðferðir

Innlögn og sýnikennsla þar sem verkefnið er útskýrt fyrir nemendum. Að öðru leyti er kennslan einstaklingskennsla.

Námsgögn

Ljósrit af verkefnum. Smíðaefni, tæki og áhöld greinarinnar.

Námsmat

Um er að ræða símat þar sem ekki er aðeins gefið fyrir þau verkefni er nemandinn vinnur, heldur einnig virkni nemandans í tímum; sjálfstæði, vandvirkni og umgengni. Skipting námsþátta kemur fram í verkefnbók nemanda.

Einkunnir eru gefnar í bókstöfum í lotulok og birtast á einkunnarspjöldum nemenda.

Íslenska

1. bekkur

Grunnupplýsingar

12 kennslustundir á viku

Námsmarkmið

Að læra að hlusta á fyrirmæli kennara og fara eftir þeim.
Að læra alla stafi stafrófsins, þ.e. heiti þeirra og hljóð.
Að kynnast rími og hrynjanda.
Að þekkja hugtök sem tengjast lestri s.s. orð, setning og atkvæði.
Að vinna fjölbreytt verkefni sem örva lestur og stuðla að auknum orðaforða og málskilningi.
Að lesa bækur við hæfi.
Að læra að draga rétt til stafs og þekkja skriftaráttina.
Að þjálfa fínhreyfingar.
Að kynnast þeim reglum sem gilda þegar margir þurfa að tjá sig í einu og tala skýrt og áheyrilega.
Að segja frá eigin reynslu frammi fyrir áheyrendum.
Að læra ýmsa söngva og þulur.
Að hlusta á upplestur á sögum og ljóðum, bæði sem kennari les og flutt eru á annan hátt, t.d. af hljóð- eða myndbandi.
Að skrá sjálf/ur eða með aðstoð frásagnir um atburði úr eigin lífi.
Að fá tækifæri til að taka þátt í stuttum leikþætti og/eða söngatriði.

Í 1. bekk er mikilvægt að nemendur nái tökum á undirstöðuatriðum í lestri. Til þess að ná þeim markmiðum kynnast þeir bókstöfum, hljóðum þeirra, grundvallar-hugtökum málsins og uppbyggingu þess á fjölbreyttan hátt eins og í hlustun, lestri, ritun og með því að tala.

Námsþættir

Lestur, talað mál og framsögn, hlustun og áhorf, ritun, bókmenntir og málfræði.

Kennsluaðferðir

Kennt er samkvæmt aðferðum Byrjendalæsis sem einkum byggist á para- og hópavinnu. Auk þessa: utanbókarlærdómur, tjáning, samræðuaðferðir, söngur, hlustun, sjálfstæð vinnubrögð, vinnubókarkennsla, ritun og þulunám.

Námsgögn

Bók vikunnar (ýmsar bækur), námsspil og fleiri gögn undirbúin af kennurum og nemendum. Það er leikur að læra; vinnubækur 1 og 2, Orðasafnið mitt, Ítalíuskrift 1a, stafaöskjur og lestrarbækur við hæfi hvers og eins.

Námsmat

Símat á vinnu nemenda (skóla- og heimavinnu), 1., 2. og 3. hluti lesskimunarprófs. Stafakönnun og hraðlestrarpróf eftir því sem við á. Mati á námsframvindu nemenda er komið á framfæri í foreldraviðtölum við lok vorannar.

Íþróttir

1.-10. bekkur

Grunnupplýsingar

1.-7. bekk er kennt í íþróttahúsinu í Árbæjarskóla. 8.-10. bekk er kennt í íþróttahúsi Fylkis (Fylkishöllinni).

Námsmarkmið

1.-4. bekkur

Að ná valdi á helstu grunnhreyfingum líkamans með æfingum sem bæta líkamshreysti, þol og samhæfingu. Að taka þátt í fjölbreyttum leikjum sem efla sjálfstraust, viljastyrk og áræði. Að fara eftir settum reglum, taka tillit til annarra og upplifa skólaíþróttir á jákvæðan hátt.

5.-7. bekkur

Að taka þátt í æfingum og leikjum sem bæta líkamshreysti, þrek og liðleika. Að þjálfast í samhæfingu einfaldra hreyfinga og geta tengt þær saman í eina heild. Að taka þátt í fjölbreyttum leikjum og æfingum sem veita útrás fyrir hreyfiþörf og tengingu við aðra þroskaþætti. Að ná valdi á undirstöðuatriðum ólíkra íþróttagreina. Að taka stöðluð próf til að meta eigið þrek og líkamshreysti.

8.-10. bekkur

Að bæta þol, styrk og liðleika sinn með æfingum og leikjum sem höfða til nemenda út frá þeirra eigin getu og áhuga. Aukið þol styrkir hjarta og æðakerfið sem leiðir til betri heilsu á seinni árum. Að finna sér leið til iðkunar íþrótta eða líkams- og heilsuræktar með fjölbreyttu námsvali. Að tileinka sér heilbrigðan lífstíl og mikilvægi skipulagðar þjálfunar á líkamann. Að taka þátt í óhefðbundinni eða sérhæfðri íþróttagrein og þroska með sér góða siðferðiskennd í íþróttum.

Námsþættir

Unnið er markviss að því að nemendur kynnist og þjálfist í grunnfærni hreyfingar. Kynnist íþróttagreinum á jákvæðan hátt.

Kennsluaðferðir
Kennsla fer fram í íþróttasal og miðast hún við að ná til allra nemenda með einum eða öðrum hætti, þar sem beitt er markvissum æfingum og leikjum.

Námsgögn

1.-7. bekkur Íþróttahús Árbæjarskóla

8.-10. bekkur Íþróttahús Fylkis (Fylkishöll)

Námsmat

Námsmatið fer fram með símati yfir önnina. Verkefnabók gildir 100%.

Kristinfræði

1. bekkur

Grunnupplýsingar

Kennsla er samþætt lestrarkennslu í Byrjendalæsi.

Námsmarkmið

Að kynnast sköpunarsögunni.
Að kynnast frásögunum af fæðingu Jesú og læra jólasálma.
Að kynnast íslenskum jólasiðum.
Að kynnast kirkjunni í hverfinu.
Að nemendur fræðist um siði í öðrum trúarbrögðum.
Að fást við siðræn viðfangsefni sem tengjast vináttu og merkingu orðanna rétt og rangt, mitt og þitt og fyrirgefning.
Að þekkja tilefni páskanna.
Að kynnast afstöðu Jesú til barna.
Að kynnast sögunum af bernsku Jesú, heyri um daglegt líf og aðstæður á hans dögum..
Að kynna nemendum bænir og hvað þær geta falið í sér.

Í kristnum fræðum er leitast við að efla virðingu og skilning nemenda gagnvart hverjum öðrum til að auka gæði samskiptanna. Í íslensku þjóðfélagi hefur kristin trú verið mótandi afl í þúsund ár. Þekking á kristinni trú er því stór þáttur í sögu og menningu þjóðar.

Námsþættir

Sköpunarsagan, fæðing Jesú, íslenskir jólasiðir, jólalög og -sálmar, páskarnir, ævi Jesú, önnur trúarbrögð og bænir.

Kennsluaðferðir

Kennslan er samþætt lestrarkennslunni þar sem beitt er aðferðum Byrjendalæsis sem einkum byggist á para- og hópavinnu. Auk þessa: bein kennsla, sýnikennsla, tjáning, söngur, samræðuaðferðir, sjálfstæð vinnubrögð, ritun, vettvangsferð í Árbæjarkirkju.

Námsgögn

Sköpunin (flettirit), Undrið (flettirit), jólabók, ýmis jólalög og sálmar, Barnabiblían, biblíusögur og fjölrituð verkefni.

Námsmat

Símat á vinnu nemenda.

Lífsleikni

1. bekkur

Grunnupplýsingar

Kennd er 1 kennslustund á viku.

Námsmarkmið

Að efla tilfinningaþroska.
Að efla samskiptahæfni nemenda.
Að nemendur læri að bera virðingu fyrir sjálfum sér, öðru fólki og umhverfi sínu.

Með lífsleikni eflir nemandinn félagsþroska sinn, siðvitund og virðingu fyrir sjálfum sér og öðrum.

Námsþættir

Mér þykir vænt um sjálfa/n mig, líkami minn - hendurnar, líkaminn minn - munnurinn, að kunna að gefa, að hefna sín, væntumþykja, reglur og mikilvægi þeirra, að kunna að sættast, að biðjast fyrirgefningar, vinátta, góð hegðun, líðan í skóla og frímínútur.

Lífsleikni skarast á við aðrar námsgreinar s.s. samfélagsfræði, kristinfræði og íslensku og er vísað til námsþátta í þeim greinum.

Kennsluaðferðir

Umræður, tjáning, leikir og sýnikennsla.

Námsgögn

Spor 1 og Ýma tröllastelpa.

Námsmat

Engin próf eru lögð fyrir nemendur en námið á að skila sér í bættum samskiptum og betri líðan.

Myndmennt

1. bekkur

Grunnupplýsingar

Kennt er í 12 vikna lotum, þar sem nemendur fá 2 x 2 stundir á viku.

Námsmarkmið

Að nemendur séu meðvitaðir um mikilvægi myndlistar, til þess að efla skilning þeirra á umhverfi sínu og stuðla að myndrænni sýn þeirra á tilveruna.
Að þeir þekki hugtökin myndbygging, nálægð og fjarlægð í myndverkum til þess að auðvelda þeim myndsköpun og uppbyggingu myndverka.
Að þau þekki 1 íslenskan listamann og verk hans til þess að þau verði strax meðvituð um þá listamenn sem kunnastir eru sem brautryðjendur í íslenskri myndlist.

Námsþættir

Nemendur vinna með:

Grunnformin, hring, ferhyrning og þríhyrning.
Grunnliti.
Teiknun.
Málun.
Þrykk, klippi- og límþrykk.
Mótun - leir.

Kennsluaðferðir

Innlögn og og sýnikennsla þar sem verkefni tímans er útskýrt fyrir nemendum, að öðru leyti er kennslan einstaklingskennsla.

Námsgögn

Ýmsar tegurnir af pappír, neoncolor-, olíupastel-, þekju-, vatns- og akríllitir, teikniblýantar, artlinerpennar, túss, pensla, leir, glerungar, sirkla og reglustikur. Fjölbreytt efni og áhöld til að skapa myndlist. Ýmsar bækur og fræðsluefni til glöggvunar á þeim verkefnum sem á að vinna.

Námsmat

Einkunnir í 1. Bekk eru gefnar í bókstöfum í lotulok og birtast á einkunnarspjöldum nemenda.

Samfélagsfræði og náttúrufræði

1. bekkur

Grunnupplýsingar

Kennsla er samþætt lestrarkennslu í Byrjendalæsi.

Námsmarkmið

Að kynnast skólabyggingunni, skólalóðinni og nánasta umhverfi skólans undir leiðsögn kennara.
Að skilja mikilvægi reglna í skólanum (alveg eins og í umferðinni og í samskiptum fólks) og þjálfist í að hlýða þeim.
Að ræða um helstu umferðarreglur fyrir gangandi vegfarendur.
Að læra að þekkja og fjalla um árstíðirnar (haust og vetur), heiti vikudaga og mánaða.
Að þekkja birki, brennisóley og álft.
Að sýna frumkvæði og sköpun í vinnubrögðum.
Að þekkja líkama sinn, helstu líffæri og hlutverk þeirra.
Að temja sér að sýna öðrum tillitssemi og bera virðingu fyrir sjálfum sér og öðrum.
Að gera sér grein fyrir því að ekki eru allir eins.
Að sýna frumkvæði og sköpun í vinnubrögðum.
Að læra hver er þjóðhátíðardagur Íslendinga og vita hvað forsetinn heitir. .
Að læra að þekkja hrossagauk, holtasóley og ýsu.
Að fara í vettvangsferðir í nánasta umhverfi.

Til að ná þessum markmiðum er fléttuð saman þekking, færni og tilfinning barnsins svo það öðlist vitund um samfélagið, umhverfið og söguna. Með þessu eflist skynjun þess á nánasta umhverfi og stuðlar að því að nemandinn umgangist það af ábyrgð og virðingu.

Námsþættir

Skólinn, skólareglur, samskipti, nánasta umhverfi, mannslíkaminn, árstíðir, húsdýrin, samskipti og sjálfsþekking.

Kennsluaðferðir

Kennslan er samþætt lestrarkennslunni þar sem beitt er aðferðum Byrjendalæsis sem einkum byggist á para- og hópavinnu. Auk þessa: bein kennsla, sýnikennsla, tjáning, samræðuaðferðir, sjálfstæð vinnubrögð, ritun og myndsköpun

Námsgögn

Komdu og skoðaðu umhverfið, Komdu og skoðaðu líkamann og fjölrituð verkefni.

Námsmat

Símat á vinnu nemenda. Mati á námsframvindu nemenda er komið á framfæri í foreldraviðtölum við lok vorannar.

Stærðfræði

1. bekkur

Grunnupplýsingar

6 kennslustundir á viku

Námsmarkmið

Að skilja talnatákn og tölugildi og læra að skrifa tölustafina.
Að nota mismunandi hjálpargögn við lausnir verkefna s.s. kubba og talnagrindur.
Að leysa þrautir þar sem beita þarf útreikningum t.d. samlagning og frádráttur.
Að skoða form í nánasta umhverfi og greina hvernig ólík form eru notuð í mismunandi tilgangi.
Að ræða um tímatal, t.d. tímaröð atburða, tímalengd milli atburða og dagatal.
Að vinna með klukku, læra að lesa af henni hvað tímanum líður (heila tímann).
Að skoða tölur á talnalínu.
Að vinna með talnaþulur, fingravísur og talnarunur eins og 2, 4, 6 ..., 5, 10, 15 ... eða 10, 20, 30 ...
Að kynnast víxlreglu í samlagningu, t.d. með kubbalengju.
Að leita að mynstrum í umhverfinu, s.s. símynstri sem endurtekningu í tíma (t.d. hljómfalli) eða rúmi.
Að tákna gefið mynstur með mismunandi gögnum, t.d. kubbum, litum, orðum, hljóðum eða teikningum.
Að safna gögnum og skrá í súlurit og ræða um þær upplýsingar sem súluritin gefa.
Að þekkja helstu hugtök stærðfræðinnar s.s. +, -, =, < og >.

Til að nemendum sé tamt að styðjast við stærðfræðileg hugtök þarf að þjálfa þau í ýmiss konar talnavinnu, flokkun, röðun og lýsingu á eiginleikum hluta og umræðu um þá. Áhersla er lögð á að gera stærðfræðina merkingarbæra með því að tengja hana við daglegt líf, reynslu og áhuga nemenda.

Námsþættir

Stærðfræði og tungumál, lausnir verkefna og þrauta, röksamhengi og röksemdarfærslur, tengsl við daglegt líf, tölur, reikniaðgerðir, mynstur, rúmfræði og tölfræði.

Kennsluaðferðir

Innlögn, þjálfunaræfingar, umræður- og spurnaraðferðir, bein kennsla, sýnikennsla, námsleikir/spil, vinnubókarkennsla, töflukennsla, þrautalausnir, hópavinna og sjálfstæð vinnubrögð.

Námsgögn

Sproti 1a (æfingahefti og nemendabók), Sproti 1b (æfingahefti og nemendabók), Viltu reyna? (gulur, rauður) og ýmis fjölrituð verkefni.

Námsmat

Símat á vinnu nemenda (skóla- og heimavinnu). Mati á námsframvindu nemenda er komið á framfæri á vitnisburðablöðum í foreldraviðtölum við lok vorannar.

Sund

1.-10. bekkur

Grunnupplýsingar

Kennt er í sundlaug Árbæjarskóla eina kennslustund á viku. Stúlkur fyrir áramót og drengir eftir áramót.

Námsmarkmið

1.- 4. bekkur

Að nemendur nái tökum á undirbúningsæfingum og leikjum í vatni. Öðlist grunnfærni í bringusundi, skólabaksundi og skriðsundi.

5.-7. bekkur

Að nemendur hafi náð tökum á ýmsum samsettum hreyfingum í vatni, til þess að þjálfa samhæfingu og þol eftirfarandi sundaðferða: Bringusund, skólabaksund, skriðsund, baksund, kafsund og björgunarsund.

8.-10. bekkur

Að nemendur hafi fengið frekari þjálfun í þeim sundaðferðum sem kenndar eru á miðstigi, til þess að ná góðu valdi á samsettum hreyfingum. Þjálfist í þolsundi til þess að styrkja hjarta og æðakerfi. Tileinki sér ákveðnar sundaðferðir sem auka færni til þess að geta bjargað úr vatni.

Námsþættir

Bringusund, skólabaksund, skriðsund, baksund, kafsund og björgunarsund.

Kennsluaðferðir
Bein kennsla, tilsögn og sýnikennsla, sem miðast að því, að ná sem best til allra nemenda í hópnum.

Námsgögn

Sundlaug Árbæjarskóla. Notuð eru ýmis hjálpartæki s.s. kútur, korkur, sundblöðkur.

Námsmat
Við lok haust- eða vorannar, eiga nemendur að hafa náð tilskildu sundstigi.

1.-2. bekkur. Einkunn er gefin í bókstöfum og fá nemendur afhent sundskírteini í lok annar.

3.-10. bekkur. Einkunn er gefin í tölustöfum og fá nemendur í 3.-4. bekk afhent sundskírteini í lok annar. Í 3.-10. bekk er gefin ein lokaeinkunn fyrir hinar ýmsu sundaðferðir. Námsmatið fer fram með símati yfir önnina. Verkefnabók gildir 100%.

Textílmennt

1.bekkur

Grunnupplýsingar

Kennt er í 12 vikna lotum þar sem nemendur fá 2 x 2 stundir á viku.

Námsmarkmið

- Að þjálfast í að klippa og sauma þræðispor með grófri og/eða fínni nál.
- Að vinna með ýmis konar garn, java, ullarkembu og filtefni og kynnist þannig fjölbreytilegum efnivið til þess að búa til fallega hluti.

Námsþættir

Nemendur vefa, puttaprjóna, þæfa og sauma þræðispor í grófan java. Nemendur teikna form á filtefni og klippa út.

Kennsluaðferðir

Innlög og sýnikennsla þar sem verkefnið er útskýrt fyrir nemendum. Að öðru leyti er kennslan einstaklingskennsla.

Námsgögn

Textílefni, tæki og áhöld greinarinnar. Myndbandið Íslenska ullin.

Námsmat

Einkunnir gefnar í bókstöfum í lotulok og birtast á einkunnarspjaldi nemanda að vori.

Tónmennt

1. bekkur

Grunnupplýsingar

Kennd er 1 kennslustund á viku. Heill bekkur.

Námsmarkmið

> Að nemandi tileinki sér samkennd og að vinna saman.

> Að nemandi þjálfi söng og hreyfingu.

> Að nemandi tengi raddhljóð við hreyfingu og hryn.

> Að nemandi læri að skynja hæð, lengd og styrk tóna.

Námsþættir

Í formi söngva, leikja, hreyfingar, vinnu með grunnhugtök í tónlist og hljóðfæravinnu. Markmiðið er að barnið verði virkt í tónlistarstarfinu og fái með söng, leik, hlustun og frjálsri tjáningu sem mesta reynslu af tónlist og þeim hljóðheimi sem er í kringum okkur. Gegnum tónlistina uppgötvar það nýja hluti og lærir ýmsa færni og þætti sem nýtast því á öðrum sviðum í daglegu lífi og leik

Kennsluaðferð

Lögð er áhersla á að nemendur upplifi tónlist í jákvæðu umhverfi. Námsefnið er kennt með söng og hreyfingu auk þess sem létt skrifleg verkefni eru lögð fyrir. Áherslan er lögð á að nemendur séu virkir í tímum og fái áhuga á tónlist og tónlistariðkun.

Námsgögn

Hljóðrit ýmiskonar, tölvuvarpi, nótna og textabækur, myndbönd, glærur og ýmis hljóðfæri. Vinnubækur(möppur) nemanda. Heimatilbúið efni og námsefni úr ýmsum áttum.

Námsmat

Kennaraeinkunn. Beitt er símati, þar sem tekið er mið af virkni, hegðun og framför nemandans.

Upplýsingatækni - Tölvunotkun
1. bekkur

Grunnupplýsingar

1 kennslustundir 1 sinnum í viku hálfan vetur á móti sundi.

Námsmarkmið
- Að kynnast tölvunni, umgengni við hana og helstu ílags- og frálagstækjum.
- Að þjálfast í réttum vinnubrögðum og líkamsbeitingu við tölvu.
- Að vinna með kennsluforrit sem hæfa aldri og þroska.
- Að kynnast vinnu með teikniforrit og ritvinnsluforrit.
- Að nemendur kynnist undirstöðuatriðum í notkun Internetsins.

Nauðsynlegt að nemendur tileinki sér rétt vinnubrögð í umgengni sinni við tölvur og að þeir venjist því að vinna við tölvur.

Námsþættir
Nemendum kennt að nota og umgangast tölvuna. Nemendur nota kennsluforrit, teikniforrit, ritvinnsluforrit og Internetið við námið.

Kennsluaðferðir
Stuttir fyrirlestrar, sýnikennsla og verklegar æfingar.

Námsgögn
Teikniforritin Paint, ritvinnsluforritið Word, vefskoðarinn Internet Explorer, gagnvirkir námsleikir á netinu, ýmis kennsluforrit og fleira.

Námsmat
Einkunnir gefnar í bókstöfum í lotulok og birtast á einkunnarspjaldi nemanda að vori.