Mötuneyti Árbæjarskóla er fyrir nemendur og starfsfólk skólans. Þar starfar matreiðslumeistari ásamt skólaliðum. Á matmálstímum koma auk þess kennarar, skólaliðar og stuðningsfulltrúar börnunum til aðstoðar í matsal.

Í mötuneytinu er boðið upp á heitan mat í hádeginu . 

Nemendur í 1. – 4. bekk koma í matsalinn kl. 11:25, nemendur í 5. – 7. bekk kl. 12:05 og nemendur unglingadeildar kl. 12:45.  

Matseðill er ákveðinn fyrir hvern mánuð í senn og er hér á heimasíðunni. Auk þess er matseðillinn sendur forráðamönnum í tölvupósti um hver mánaðamót.Við samsetningu hans er lögð sérstök áhersla á hollustu og fjölbreytni.

Mikilvægt er að nemendur borði staðgóðan morgunverð áður en haldið er til skóla og hafi með sér hollt og gott nesti. Nemendur í 1. -7. bekk snæða nesti sitt, sem þeir koma með að heiman, í kennslustofum kl. 9:45.

Nemendum í 8. -10. bekk gefst kostur á að kaupa sér hressingu í mötuneytinu í frímínútum kl. 09.30 og í hádegishléi. Auk þess hafa nemendur aðgang að örbylgjuofnum og samlokugrillum og geta hitað upp þann mat sem þeir koma með að heiman.

Verðskrá mötuneytis má finna hér á heimasíðunni.