Markmið Árbæjarskóla er að halda uppi öflugu forvarnarstarfi gegn einelti í 1. – 10. bekk og því hefjast fyrstu forvarnir gegn einelti þegar við upphaf skólagöngu.

Allir sem koma að skólastarfi Árbæjarskóla gegna ákveðnu hlutverki þegar kemur að forvörnum gegn einelti.

Dæmi um hlutverk skólans 

Virk gæsla í frímínútum, matarhléum, íþróttahúsum og í ferðalögum á vegum skólans.

Námsráðgjafar huga sérstaklega að nýjum nemendum.

Regluleg fræðsla fyrir nemendur og starfsfólk skólans um einelti.

Umsjónarkennari ræðir reglulega við nemendur sína um líðan, samskipti og hegðun.

Reglubundnir vinadagar eru haldnir í skólanum.

Reglulegar kannanir á líðan nemenda í skólanum.

Skýr ferillýsing í eineltismálum. 

Dæmi um hlutverk forráðamanna

Forráðamenn kynna sér stefnu skólans í eineltismálum.

Mikil áhersla á lögð á samvinnu heimils og skóla.

Forráðamenn fræða börn sín um jákvæð samskipti , kurteisi og gagnkvæma virðingu í samskiptum við aðra. 

Dæmi um hlutverk nemenda

Nemendur búa til bekkjarreglur í byrjun hvers skólaárs í samvinnu við umsjónarkennara sinn þar sem m.a. er fjallað um viðbrögð við einelti og öðru ofbeldi.

Nemendur temji sér kurteisi, tillitssemi og virðingu í samskiptum sín á milli og við starfsfólk skólans.

Nemendur kynni sér vel skólareglur Árbæjarskóla og fari eftir þeim.

Nemendur séu vakandi fyrir líðan samnemenda sinna og láti sig varða ef þeir sjá neikvæða framkomu í garð skólafélaga sinna með því að tilkynna starfsfólki skólans um slíka hegðun.