Kynningarfundir

Kynningarfundir um skólastarf Árbæjarskóla eru haldnir fyrir forráðamenn nemenda í öllum árgöngum í byrjun skólaárs. Fundirnir eru haldnir í hátíðarsal skólans. Þar fer fram kynning skólastjórnar á skipulagi skólans og starfi vetrarins. Námsráðgjafar kynna sitt starf innan skólans og auk þess taka til máls fulltrúar frá foreldrafélaginu og félagsmiðstöðinni Árseli. Mikilvægt er að forráðamenn þekki vel innviði skólans og það starf sem þar fer fram því forsenda árangursríks skólastarfs er góð samvinna heimilis og skóla. Forráðamenn nemenda eru því hvattir til að mæta á fundina. 
Að kynningu lokinni halda forráðamenn ásamt umsjónarkennara barna sinna til kennslustofu þar sem kennarinn kemur upplýsingum til forráðamanna um bekkjarstarfið og farið er yfir upplýsingar sem liggja þurfa fyrir s.s. netföng og símanúmer forráðamanna.
Fundunum er skipt niður eftir árgöngum. Sérstakur kynningarfundur er haldin fyrir forráðmenn nemenda í 1. bekk. Sameiginlegur fundur er fyrir forráðmenn nemenda í 2.-4. bekk og 5.-7. bekk. Hver árgangur nemenda í unglingadeild er boðaður til sérstakra funda.