Foreldradagar eru haldnir tvisvar á skólaárinu, einn á hvorri önn. Umsjónarkennarar boða forráðamenn og nemendur til viðtals í skólann. Fundarboð eru send út með nokkurra daga fyrirvara.
Á fundunum er farið yfir námslega stöðu nemenda, ástundun, hegðun og líðan og annað það sem liggur mönnum á hjarta.
Forráðmenn eru auk þess hvattir til að hafa samband við umsjónarkennara barna sinna þegar tilefni er til og umsjónarkennarar munu að sama skapi hafa samband við heimilin ef þurfa þykir.
Auðvelt er að fylgjast vel með námsgengi nemenda og skólastarfinu með því að nýta sér fjölskyldusíðuna, mentor.is, og heimasíðu skólans, arbaejarskoli.is. Forráðamenn eru hvattir til að nýta sér þau tilboð sem skólinn býður upp á því þannig eflist hið góða samstafs heimilis og skóla sem  byggjast þarf á gagnkvæmu trausti og virðingu.