Lög Foreldrafélag Árbæjarskóla

1. gr.
Félagið heitir Foreldrafélag Árbæjarskóla.  Félagar eru foreldrar og/eða aðstandendur nemenda í Árbæjarskóla.

2. gr.
Tilgangur félagsins er:
1. Að vinna að velferð nemenda.
2. Að vera samstarfsvettvangur foreldra sem eiga börn í skólanum.
3. Að koma á framfæri sjónarmiðum foreldra varðandi skóla- og uppeldismál.
4. Að efla hag skólans.
5. Að auka innbyrðis kynni og samstarf foreldra, nemenda og kennara.

3. gr.
Tilgangi sínum hyggs félagið ná með því  m.a.:
1. Að koma á umræðu um skóla- og uppeldismál.
2. Að veita aðstoð í starfi skólans vegna félagsstarfa og skemmtana í þágu nemenda.
3. Að veita skólanum lið í hverju því, sem honum má almennt að gagni koma eða við framkvæmd sérstakra verkefna.
4. Að vera vettvangur umræðna og athugana á venjum nemenda í skólahverfinu og eiga samstarf við þá um mótun umhverfis og uppbyggingu félagsstarfs.

4. gr.
Aðalfund skal halda í apríl ár hvert.  Formaður stjórnar skal boða til fundarins með minnst viku fyrirvara.  Þessi mál skulu tekin fyrir á aðalfundi:
1. Stjórn félagsins gerir grein fyrir störfum félagsins.
2. Stjórn félagsins leggur fram reikninga félagsins.
3. Kosning stjórnar.

5. gr.
Stjórn félagsins skal skipuð fimm mönnum sem kosnir skulu á aðalfundi félagsins til tveggja ára í senn, þrír stjórnarmenn annað árið og tveir hitt árið.  Stjórnin skipti með sér störfum að öðru leyti.

6. gr.
Á aðalfundi skal kjósa þrjá fulltrúa í foreldraráð til tveggja ára, og þrjá til vara skv. 16. grein laga um grunnskóla nr. 66/1995.

7. gr.
Foreldrafélagið skiptir hverjum bekk upp í þrjú bekkjaráð
1. Haust bekkjaráð, frá skólasetningu til 15. nóv.
2. Miðsvetrar bekkjaráð, frá 16. nóv. - 28. febrúar
3. Vor bekkjaráð, frá 1. mars - skólaloka.

Tilnefndur er einn úr hópnum sem tengill og sér hann um að kalla hópinn saman.

Verkefni bekkjaráðs skal vera:  Að efna til hvers konar funda eða samkomuhalds með foreldrum, kennurum og nemendum til að auka innbyrgðis kynni þessara aðila.  Stjórn félagsins setur nánari reglur um starf og skipan bekkjaráða.

8. gr.
Stjórn foreldrafélagsins skal boða bekkjaráð til fundar eigi sjaldnar en tvisvar á hverju skólaári.

9. gr.
Stjórn félagsins getur sinnt ágreiningsmálum sem upp kunna að koma og varða félagsmenn og beitt sér að lausn þeirra, meðal annars með því að koma þeim á framfæri við rétta aðila.

10. gr.
Lögum félagsins verður aðeins breytt á aðalfundi.  Reikningsár félagsins er frá 1. apríl til 31. mars ár hvert.